ജുവനൈൽ കോടതി പയ്യനെ ‘ട്രാഫിക് പൊലീസാക്കി’


ട്രാഫിക് പോലീസിനു സ്ഥിരം തലവവേദനയുണ്ടാക്കിയ വിദ്യാര്‍ഥിയെയാണ് ജുവനൈൽ കോടതി ശിക്ഷിച്ചത്. ചെന്നൈ ജുവനൈൽ ജസ്റ്റിസ് ബോർഡാണ് ശിക്ഷ വിധിച്ചത്. ലൈസൻസില്ലാതെ വാഹനമോടിച്ച് അപകടമുണ്ടാക്കിയതിനും സ്ഥിരമായി ഗതാഗത നിയമങ്ങൾ ലംഘിച്ചതിനുമാണ് ശിക്ഷ. വിദ്യാർഥി ഓടിച്ച ബൈക്ക് സ്ത്രീയെ ഇടിച്ച സംഭവത്തിൽ പൊലീസ് കേസെടുത്തിരുന്നു. പിന്നീടും ഹെൽമറ്റും ലൈസൻസുമില്ലാതെ വാഹനമോടിച്ചതിനു പിടിയിലായതോടെയാണു നടപടി. തെറ്റ് ആവർത്തിക്കില്ലെന്നും മാപ്പുതരണമെന്നുമുള്ള വിദ്യാർഥിയുടെ ആവശ്യം പരിഗണിച്ച ജുവനൈൽ കോടതി ട്രാഫിക് പൊലീസിന്റെ മേൽനോട്ടത്തിൽ 16 മണിക്കൂർ ഗതാഗതം നിയന്ത്രിക്കാൻ ഉത്തരവിടുകയായിരുന്നു. വിദ്യാർഥി ഗതാഗതം നിയന്ത്രിക്കുന്ന വിഡിയോയും പൊലീസ് പുറത്തുവിട്ടു. ഇതിനിടെ പ്രായപൂർത്തിയാവാത്ത വിദ്യാർഥിയുടെ വിഡിയോ പ്രചരിപ്പിച്ചതു തെറ്റാണെന്നാരോപിച്ച് ഒരുവിഭാഗം രംഗത്തെത്തി.Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

juvenile violator become traffic police.