എന്നും കാപ്പി കുടിക്കാറുണ്ടോ !!


പുരുഷന്മാരിലും സ്ത്രീകളിലും ടൈപ് - 2 പ്രമേഹത്തിന്റെ സാധ്യത 25 ശതമാനം കുറയ്ക്കാന്‍ കൂടുതല്‍ കാപ്പികുടിക്കുന്നതിലൂടെ സാധിക്കുമെന്നാണ് പഠനം പറയുന്നത്


ദിവസവും മൂന്നോ നാലോ കാപ്പി കുടിക്കുന്നത് പ്രമേഹ സാധ്യത കുറയ്ക്കുമെന്ന് റിപ്പോർട്ട്. പുരുഷന്മാരിലും സ്ത്രീകളിലും ടൈപ് - 2 പ്രമേഹത്തിന്റെ സാധ്യത 25 ശതമാനം കുറയ്ക്കാന്‍ കൂടുതല്‍ കാപ്പികുടിക്കുന്നതിലൂടെ സാധിക്കുമെന്നാണ് പുതിയ റിപ്പോർട്ട്. കാപ്പിക്കുരുവില്‍ കഫേനുകള്‍ക്ക് പുറമേ അടങ്ങിയിരിക്കുന്ന വിവിധ ആസിഡുകളും മറ്റു ഘടകങ്ങളുമാണ് ഇതിന് കാരണമെന്ന് സ്വീഡനിലെ കരോലിന്‍സ്‌ക്കാ ഇന്‍സ്റ്റിറ്റിയൂട്ടിലെ അസോസിയേറ്റ് പ്രൊഫസറായ മത്യാസ് കാള്‍സ് സ്‌ട്രോം പറയുന്നു. ജര്‍മ്മനിയില്‍ നടന്ന 2018 ലെ യൂറോപ്യന്‍ അസോസിയേഷന്‍ ഫോര്‍ സ്റ്റഡി ഓഫ് ഡയബറ്റീസ് വാര്‍ഷികത്തില്‍ ഇതിന്റെ റിപ്പോർട്ടുകൾ അവതരിപ്പിച്ചു. 1,185,210 പേരിൽ നടത്തിയ 30 വിവിധ പഠനത്തിലൂടെയാണ് ഇത്തരത്തിലൊരു കണ്ടെത്തലിൽ എത്തിയത്. പ്രമേഹവുമായി ബന്ധപ്പെട്ട കരളില്‍ കൊഴുപ്പടിയുന്ന സാഹചര്യങ്ങളെ കുറയ്ക്കാനും കാപ്പി നല്ലതാണെന്നും പഠനം പറയുന്നു. ശരീരത്തിന് ഉത്തേജനം പകരുക, ശ്രദ്ധ കൂട്ടുക, വിഷാദം അകറ്റുക, കൊഴുപ്പിനെ കത്തിച്ചു കളയുക, അള്‍ഷിമേഴ്‌സിനെയും പാര്‍ക്കിന്‍സണിനെയും തടയുക എന്നിവയ്ക്കെല്ലാം കാപ്പി കുടിക്കുന്നത് വളരെ ​ഗുണകരമാണെന്നാണ് പഠനം പറയുന്നത്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Drinking coffee may reduce the risk of developing diabetes.