ചർമ്മത്തിലെ കറുത്ത പാടുകൾക്ക് - ആയുർവേദ സൺ ബ്ലോക്കുകൾ


ഹൈപ്പര്‍പിഗ്മെന്‍റേഷന്‍ ഇരുണ്ട ചര്‍മമുള്ളവരിൽ സാധാരണമെങ്കിലും, വെളുത്ത നിറക്കാരിലും സംഭവിക്കാവുന്നതാണ്


വേനല്‍ക്കാലത്ത്,മറ്റേതൊരു സമയത്തേക്കാളുമേറെ നമ്മുടെ ചര്‍മത്തില്‍ യു.വി. രശ്മികള്‍ ഏൽക്കാനുള്ള സാധ്യത കൂടുതലാണ് . ഇത് ഹൈപ്പര്‍പിഗ്മെന്‍റേഷനിലേക്കും ,കറുത്ത പാടുകള്‍ ഉണ്ടാകുന്നതിലേക്കും നയിച്ചേക്കാം . ആയുര്‍വേദത്തിൽ ഹൈപ്പര്‍പിഗ്മെന്‍റേഷനുള്ള പ്രതിവിധിയെന്താണെന്ന് നോക്കാം.മുഖത്ത് ഉള്‍പ്പെടെ ചര്‍മ്മത്തില്‍ നിത്യവും കുറഞ്ഞത് 15 മിനിട്ട് നേരത്തേക്ക് കറ്റാര്‍വാഴ പുരട്ടുന്നത്, സൂര്യന്‍റെ യു.വി. കിരണങ്ങള്‍ മൂലമുണ്ടാകുന്ന മെലാനിനന്‍റെ ഉത്പാദനം കുറയ്ക്കും . മഞ്ഞള്‍ പുരട്ടുന്നത് സൂര്യാഘാതത്തില്‍നിന്നും ഹൈപ്പര്‍പിഗ്മെന്‍റേഷനില്‍ നിന്നും ചര്‍മത്തെ സംരക്ഷിക്കുക മാത്രമല്ല ,ബാക്ടീരിയകള്‍ക്കും നീര്‍ക്കെട്ടിനുമെതിരെ ശക്തമായി പ്രവര്‍ത്തിക്കാനുള്ള സവിശേഷതകളുള്ള പ്രകൃതിദത്ത ചേരുവയാണ് മഞ്ഞള്‍. വീട്ടിലുണ്ടാക്കാവുന്ന മഞ്ഞള്‍ പായ്ക്കുതന്നെ വേണമെന്നില്ല , ആയുര്‍വേദ തത്വങ്ങള്‍പ്രകാരം രൂപപ്പെടുത്തിയിട്ടുള്ള ജൈവമഞ്ഞള്‍ അടിസ്ഥാനമാക്കിയുള്ള ഫെയ്സ് ക്രീമുകള്‍ നിങ്ങള്‍ക്ക് വാങ്ങാവുന്നതാണ്. ധാരാളം ശക്തമായ ഔഷധസസ്യങ്ങള്‍ കൂട്ടിച്ചേര്‍ത്ത ഒരു ആയുര്‍വേദ ലേപനൗഷധമാണ് കുങ്കുമാദി തൈലം .ഹൈപ്പര്‍പിഗ്മെന്‍റേഷന്‍ പോലുള്ള ചര്‍മപ്രശ്നങ്ങള്‍ കുറയ്ക്കുന്നതില്‍ ഇത് വളരെ ഫലപ്രദമാണ്.ഒരു പ്രകൃതിദത്ത ചര്‍മശുദ്ധീകരിണിയും ടോണറും ആയി ആയുര്‍വേദം ശുപാര്‍ശ ചെയ്യുന്ന ഒന്നാണ് പാല്‍. കാച്ചാത്ത പാലില്‍ മെലാനിന്‍റെ ഉല്‍പാദനത്തെ കുറയ്ക്കുവാനും ചര്‍മത്തിലെ ചൊറിച്ചിലും പൊള്ളലും ശമിപ്പിക്കുവാനും ഇരുണ്ട പാടുകള്‍ കുറയ്ക്കുവാനും കഴിവുള്ള സംയുക്തങ്ങള്‍ അടങ്ങിയിട്ടുണ്ട് . സൂര്യന്റെ യു.വി. രശ്മികളെ പ്രതിരോധിക്കുന്ന ഒരു ആയുര്‍വേദ ചേരുവയാണ് ചന്ദനം .ഹൈപ്പര്‍പിഗ്മെന്‍റേഷന്‍ ഇരുണ്ട ചര്‍മമുള്ള വ്യക്തികളിലാണ് കൂടുതല്‍ സാധാരണമെങ്കിലും, വെളുത്ത നിറക്കാരില്‍ പോലും ഇത് സംഭവിക്കാവുന്നതാണ്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Ayurvedic Sun Blocks To Get Rid Of Dark Patches On The Skin.