ലോകത്തെ ആദ്യ കാര്‍ബണ്‍രഹിത രാഷ്ട്രമാകാൻ കോസ്റ്ററീക്ക

പരിസ്ഥിതി സംരക്ഷണത്തില്‍ സീറോ കാര്‍ബണ്‍ എന്ന ലക്ഷ്യം


2021ഓടെ ലോകത്തെ ആദ്യ കാര്‍ബണ്‍രഹിത രാഷ്ട്രമാകാനുള്ള ഒരുക്കത്തിലാണ് കോസ്റ്ററീക്ക.പടിഞ്ഞാറ് ശാന്തസമുദ്രത്തെയും കിഴക്ക് കരീബിയന്‍ കടലിനെയും അണകെട്ടി തിരിക്കുന്ന, തെക്കേ അമേരിക്കയേയും വടക്കേ അമേരിക്കയേയും ബന്ധിപ്പിക്കുന്ന കൊച്ചുരാജ്യമാണ് കോസ്റ്ററീക്ക. ഇന്ന് കോസ്റ്ററീക്കയ്ക്ക് ആവശ്യമായ വൈദ്യുതിയുടെ 99 ശതമാനത്തിലധികവും പ്രകൃതിദത്ത പുനരുപയോഗസാധ്യതയുള്ള സ്രോതസ്സുകളില്‍ നിന്നാണ് ഉത്പാദിപ്പിക്കുന്നത്. ഫോസില്‍ ഇന്ധനങ്ങളെ ആശ്രയിക്കാതെ തുടര്‍ച്ചയായി ഏറ്റവും കൂടുതല്‍ കാലം വൈദ്യുതി ഉണ്ടാക്കി ഉപയോഗിച്ചതിന്റെ റെക്കോര്‍ഡും കോസ്റ്ററീക്കയ്ക്കുണ്ട്.പരിസ്ഥിതി സംരക്ഷണത്തില്‍ കോസ്റ്ററീക്കയുടെ ബദല്‍ മാര്‍ഗ്ഗങ്ങള്‍ ഏറെ ചര്‍ച്ചയാകുന്നു.മറ്റുള്ളവര്‍ക്ക് ഉപയോഗപ്പെടുന്ന തരത്തില്‍ പരിസ്ഥിതിയെ സംരക്ഷിക്കുന്ന ഭൂവുടമകള്‍ക്കും കര്‍ഷകര്‍ക്കും വേതനം നല്‍കുന്ന പദ്ധതി ആരംഭിച്ചു. വനനശീകരണത്തിനെതിരെ നിയമങ്ങള്‍ കൊണ്ടുവന്നു. പ്രകൃതി വിഭവങ്ങള്‍ക്ക് ഹരിത നികുതിയുടെ രൂപത്തില്‍ സാമ്പത്തിക മൂല്യം ഏര്‍പ്പെടുത്തിയതോടെ ദുരുപയോഗം തടയാന്‍ സാധിച്ചു. ഗതാഗതരംഗത്തുകൂടി ഹരിതവത്കരണം നടത്താനാണ് ഈ ലാറ്റിനമേരിക്കന്‍ രാജ്യത്തിന്റെ ഉദ്യമം. സുസ്ഥിര വികസനത്തിന്റെ തനത് മാതൃക ലോകരാജ്യങ്ങള്‍ക്ക് മുമ്പില്‍ അവതരിപ്പിച്ച് കൈയ്യടി നേടുകയാണ് ഈ രാജ്യം.



Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Costa Rica Vows to Become the First Carbon-Neutral Country.