യൂറിയ ക്ഷാമം രൂക്ഷം ;കുട്ടനാട്ടിൽ നെല്‍ക്കര്‍ഷകർ ദുരിതത്തിൽ

കുട്ടനാടന്‍ മേഖലയില്‍ ഒരു ചാക്ക് പോലും യൂറിയ കിട്ടാത്ത അവസ്ഥയിൽ


പ്രളയശേഷം പാടുപെട്ട് കൃഷിയിറക്കിയ കര്‍ഷകര്‍ സമയത്ത് രാസവളം കിട്ടാതെ ക്ലേശിക്കുന്നു. നെല്‍ക്കര്‍ഷകര്‍ക്ക് അടിയന്തരമായി വേണ്ട യൂറിയക്കാണ് കൂടുതല്‍ ക്ഷാമം.കൂട്ടനാടന്‍ മേഖലയില്‍ മാത്രം 1500 ടണ്ണിലധികം യൂറിയ ആവശ്യമാണ്. എന്നാല്‍ ഒരു ചാക്കുപോലും കിട്ടാനില്ലാത്ത അവസ്ഥയാണ്.നെല്‍ക്കൃഷിക്ക് ആദ്യം ഉപയോഗിക്കുന്നത് യൂറിയയാണ്. 15 ദിവസം പ്രായമാകുമ്പോള്‍ ഈ വളം ഇടണം. കാര്‍ഷിക സൊസൈറ്റികളില്‍ കര്‍ഷകര്‍ വളത്തിനായി കയറിയിറങ്ങുന്നുണ്ടെങ്കിലും വളം എത്തിയില്ലെന്ന മറുപടി മാത്രമാണ് കിട്ടുന്നത്.വിവിധ സൊസൈറ്റികള്‍ വഴിയും സംഘങ്ങള്‍ വഴിയുമാണ് വളം വിതരണം നടത്തുന്നത്. പുഞ്ചക്കൃഷി ഒരുക്കം മുന്‍നിര്‍ത്തി ഈ സ്ഥാപനങ്ങളെല്ലാം മുന്‍കൂറായി വളം ബുക്കുചെയ്തിരുന്നു. ഓരോ ജില്ലയ്ക്കും ആവശ്യമായ വളം എത്രയെന്ന് കൃഷിവകുപ്പ് ഡയറക്ടറേറ്റ് കേന്ദ്രത്തെ ധരിപ്പിക്കണം. എന്നാല്‍ ഇത് ഉണ്ടായിട്ടില്ലെന്നാണ് അറിയുന്നത്. കേരളത്തിനുള്ള അലോട്ട്‌മെന്റ് മറ്റെവിടേക്കെങ്കിലും പോയിട്ടുണ്ടോ എന്നും വ്യക്തമല്ല. പുറമേ നിന്ന് വാങ്ങേണ്ടി വന്നാല്‍ വാഹനക്കൂലിയും കയറ്റിറക്കുകൂലിയും കൂടും ഇത് കര്‍ഷകര്‍ക്ക് താങ്ങാനാവില്ല.ഏതായാലും കർഷകർക്ക് ആവശ്യമായ സഹായങ്ങൾ ചെയ്യണ്ട കൃഷിവകുപ്പ് മൗനത്തിലാണ്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Kuttanadan Rice crop in danger due to Uria shortage.