ശബരിമലയിൽ അന്നദാനത്തിന് ആർഎസ്എസ് സംഘടന

അന്നദാനഫണ്ടിൽ പണമില്ലെന്ന കാരണം പറഞ്ഞാണ് അന്നദാനത്തിന് അയ്യപ്പസേവാ സമാജത്തിന് കരാർ നൽകുന്നത്

പമ്പയിലും നിലയ്ക്കലും നടത്തുന്ന അന്നദാനത്തിന് ആർഎസ്എസ് അനുകൂല സംഘടനയ്ക്ക് കരാർ നൽകാൻ ദേവസ്വംബോർഡിന്‍റെ തീരുമാനം.അന്നദാനഫണ്ടിൽ പണമില്ലെന്ന് ചൂണ്ടിക്കാട്ടിയാണ് കരാർ മറ്റൊരു സംഘടനയ്ക്ക് നൽകുന്നത്. അയ്യപ്പസേവാസമാജവുമായി ഉടൻ ദേവസ്വംബോർഡ് കരാർ ഒപ്പിടും. ശബരിമല സമരവുമായി ബന്ധപ്പെട്ടുള്ള സമവായശ്രമത്തിന്‍റെ ഭാഗമായാണ് കരാർ നൽകുന്നതെന്നാണ് സൂചന. ശബരിമലയിൽ പ്രതിഷേധസമരം നടത്തിയ അയ്യപ്പസേവാ സമാജത്തിനാണ് കരാർ നൽകുന്നതെന്നതാണ് ശ്രദ്ധേയം.
ഇക്കഴിഞ്ഞ ചൊവ്വാഴ്ച ചേർന്ന ദേവസ്വംബോർഡ് യോഗത്തിലാണ് നിർണായകതീരുമാനം ഉണ്ടായിരിക്കുന്നത്.
അവിടെ ആവശ്യമായ ഭക്ഷണം എത്തിയ്ക്കുകയും വോളണ്ടിയർമാരെ നൽകുകയും ചെയ്യുകയാണ് അയ്യപ്പസേവാസമാജത്തിന്‍റെ ചുമതല. എന്നാൽ നടത്തിപ്പ് ചുമതല ദേവസ്വംബോർഡിനാകുമെന്നാണ് ബോർഡ് കമ്മീഷണർ എൻ . വാസു വ്യക്തമാക്കുന്നത്. കഴിഞ്ഞ മൂന്ന് വർഷമായി പമ്പയിലും നിലയ്ക്കലും അന്നദാനം നടത്തുന്നത് ദേവസ്വംബോർഡാണ്. എന്നാൽ ഈ വർഷം തീർഥാടകരുടെ വരവ് കുറഞ്ഞതോടെ വരുമാനം കുറഞ്ഞു, അന്നദാനഫണ്ടിൽ പണമില്ലാതായി. ഇതോടെയാണ് ഒരു സന്നദ്ധസംഘടനയെ അന്നദാനം ഏൽപ്പിയ്ക്കുന്നതെന്നാണ് ദേവസ്വംബോർഡിന്‍റെ വാദം.Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

ayyappaseva samajam to get the contract for annadanam in sabarimala.