പാരീസില്‍ 20 ടണ്ണോളം 'മിനി' ഈഫല്‍ ടവറുകള്‍ പിടിച്ചെടുത്തു

8ലക്ഷം യൂറോയുടെ മതിപ്പുള്ള നിയമവിരുദ്ധ വ്യാപാരമാണ് നടക്കുന്നത്


പാരീസില്‍ നിയമവിരുദ്ധമായി വില്‍പ്പന നടത്തിയ 20 ടണ്ണോളം മിനി ഈഫല്‍ ടവറുകള്‍ ഫ്രഞ്ച് പോലീസ് പിടിച്ചെടുത്തു.ഫ്രാൻസിലെ ഈഫൽ ഗോപുരത്തിൻറെ ചെറുപതിപ്പുകളുടെ കരിഞ്ചന്ത വ്യാപാരത്തിനെതിരെ ദീര്‍ഘനാളുകളായി നടത്തിവരുന്ന അന്വേഷണത്തിന്റെ ഭാഗമായാണ് നടപടി. പിടിക്കപ്പെട്ടവര്‍ അതിവേഗ വിചാരണ നേരിടും.വിനോദ സഞ്ചാരികള്‍ക്ക് വേണ്ടി ഈഫല്‍ ടവറിന്റെ മിനിപതിപ്പുകളുമായി വഴിയോര കച്ചവടക്കാര്‍ ലോവ്ര്‍ മ്യൂസിയത്തിന്റെയും ഈഫേല്‍ ടവറിന്റെയും പരിസരങ്ങളിൽ സ്ഥിരം കാഴ്ചയാണ്. കീചെയ്ന്‍ മുതല്‍ ആഭരണങ്ങളുടെ രൂപത്തില്‍ വരെ വില്‍ക്കപ്പെടുന്ന ഇവ അഞ്ചെണ്ണത്തിന് ഒരു യൂറോ എന്ന നിരക്ക് തൊട്ട് ഒന്നിന് 10 യൂറോ എന്ന നിരക്കിലാണ് വില്‍ക്കപ്പെടുന്നത്.പോലീസ് പരിശോധനയെ ഭയന്ന് വില്‍പ്പനക്ക് വെച്ച സാധനങ്ങള്‍ ചുരുട്ടിക്കെട്ടി പൊടുന്നനെ സ്ഥലം കാലിയാക്കുന്ന വഴിയോര കച്ചവടക്കാരും ഇതുകണ്ട് അമ്ബരന്ന് നില്‍ക്കുന്ന വിനോദ സഞ്ചാരികളും ഇവിടത്തെ പതിവ് കാഴ്ചകളാണ്.മിനി ഈഫല്‍ ടവറുകള്‍ ഇറക്കുമതി ചെയ്യുകയും കച്ചവടക്കാരുടെ ശൃംഖലയില്‍ എത്തിക്കുകയും ചെയ്യുന്നുവെന്ന് സംശയിക്കുന്ന മൂന്ന് ചൈനീസ് മൊത്തകച്ചവടക്കാര്‍ക്കിടയിലും പോലീസ് റെയ്ഡ് നടന്നിരുന്നു. ആകെ 20 ടണ്‍ ഭാരമുള്ള 1000 പെട്ടികളാണ് രണ്ട് ഡിപ്പോകളില്‍ നിന്നും മൂന്ന് കടകളില്‍ നിന്നുമായി പിടിച്ചെടുത്തത്. 8ലക്ഷം യൂറോയുടെ മതിപ്പുള്ള നിയമവിരുദ്ധ വ്യാപാരമാണ് നടക്കുന്നത്. റെയ്ഡില്‍ കാറുകളും പിടിച്ചെടുത്തിട്ടുണ്ട്. നോട്ടുകളും നാണയങ്ങളും എണ്ണാനുള്ള യന്ത്രങ്ങള്‍ റെയ്ഡില്‍ പിടിച്ചെടുത്തത് വിപണിയുടെ വ്യാപ്തിയാണ് കാണിക്കുന്നതെന്ന് പാരീസ് പോലീസ് ദി ഗാര്‍ഡിയനോട് പറഞ്ഞു. 1889-മുതൽ 1931-വരെ ലോകത്തെ ഏറ്റവും ഉയരം കൂടിയ മനുഷ്യനിർമ്മിത വസ്തു എന്ന ബഹുമതി ഈ കെട്ടിടത്തിനായിരുന്നു .
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

French police seize 20 tonnes of mini Eiffel Towers.