സ്വവര്‍ഗ ലൈംഗിക പരാമർശം ചൈനീസ് എഴുത്തുകാരിക്ക് 10 വര്‍ഷം തടവ്

2017 ൽ പ്രസിദ്ധീകരിച്ച നോവല്‍ 7000 കോപ്പിയാണ് ഇന്റർനെറ്റിലൂടെ വിറ്റഴിഞ്ഞത്

സ്വവര്‍ഗ ലൈംഗികത പരാമര്‍ശിക്കുന്ന പുസ്തകം എഴുതിയ ചൈനീസ് എഴുത്തുകാരിക്ക് 10 വര്‍ഷം തടവ്.ടിയാന്‍ യി എന്ന തൂലികാനാമത്തിലറിയപ്പെടുന്ന ലിയുവിനെതിരെയാണ് ചൈനീസ് കോടതി നടപടി. ലിയുവിന്റെ 'ഒക്യുപ്പൈ' എന്ന നോവലിൽ സ്വവര്‍ഗാനുരാഗികളായ പുരുഷന്‍മാരുടെ ലൈംഗികരംഗങ്ങള്‍ വിവരിക്കുന്നുണ്ട്. പുരുഷ അധ്യാപകനും വിദ്യാർഥിയും തമ്മിലെ പ്രണയമാണ് നോവലിൽ പറഞ്ഞിരിക്കുന്നത് .2017 ൽ പ്രസിദ്ധീകരിച്ച നോവലിന് ചൈനീസ് ഓൺലൈൻ വിപണിയിൽ വൻ സ്വീകാര്യത നേടികൊടുത്തിരുന്നു .7000 കോപ്പിയാണ് ഇന്റർനെറ്റിലൂടെ വിറ്റഴിഞ്ഞത് .പുസ്തകം വിറ്റ് ലാഭമുണ്ടാക്കിയെന്ന കുറ്റത്തിന് ചൈനയിലെ അന്‍ഹുയി പ്രവിശ്യയിലെ വുഹു ജനകീയ കോടതിയാണ് ശിക്ഷ വിധിച്ചത്.പുസ്തകത്തിലെ പരാമര്‍ശത്തിന്റെ പേരില്‍ 10 വര്‍ഷം തടവ് നല്‍കുന്നത് ന്യായീകരിക്കാനാവില്ലെന്ന് പ്രതിഷേധക്കാര്‍ ചൈനീസ് സാമൂഹികമാധ്യമമായ വീബോയില്‍ പറഞ്ഞു.അതിനിടെ ലിയുവിന്റെ അറസ്റ്റില്‍ ചൈനീസ് സാമൂഹികമാധ്യമങ്ങളിലും പ്രതിഷേധംശക്തമാവുകയാണ് .


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Chinese writer Tianyi jailed for 10 years over gay erotic novel.