വെണ്ട കൃഷി ചെയ്യാം


ഫെബ്രുവരി-മാര്‍ച്ച്, ജൂണ്‍-ജുലൈ, ഒക്‌ടോബര്‍-നവംബര്‍ എന്നിവ നടീല്‍ സമയം


വര്‍ഷത്തില്‍ മൂന്ന് പ്രധാന സീസണുകളിലായി വളരെ എളുപ്പത്തില്‍ കൃഷി ചെയ്യാവുന്ന പച്ചക്കറിയാണ് വെണ്ട. ഫെബ്രുവരി-മാര്‍ച്ച്, ജൂണ്‍-ജുലൈ, ഒക്‌ടോബര്‍-നവംബര്‍ എന്നിവ നടീല്‍ സമയം. വെണ്ടയില്‍ അയോഡിനും നാരുകളും ധാരാളമുണ്ട്. വിറ്റാമിന്‍ എയും സിയും ബീറ്റാകരോട്ടിനും അയേണും കാത്സ്യവും വെണ്ടയെ പോഷകസമ്പുഷ്ടമാക്കുന്നു. കൊളസ്‌ട്രോളും കഫവും വെണ്ടയ്ക്ക് മുന്നില്‍ തല പൊക്കില്ല.കിരണ്‍,സല്‍കീര്‍ത്തി, അര്‍ക്ക അനാമിക,അര്‍ക്ക അഭയ്,സുസ്ഥിര,അഞ്ചിത എന്നിവ പച്ചനിറമുള്ള വെണ്ടയിനങ്ങള്‍. നിലമൊരുക്കുമ്പോള്‍ തന്നെ ഒരു സെന്റിലേക്ക് രണ്ടര കിലോഗ്രാം കുമ്മായവസ്തു ഇളക്കി യോജിപ്പിക്കണം.രണ്ടടി അകലത്തിലായി ചാലുകള്‍ എടുത്ത് സെന്റൊന്നിന് 60 കിലോഗ്രാം ഉണങ്ങിപ്പൊടിഞ്ഞ കോഴിക്കാഷ്ടമോ കമ്പോസ്റ്റോ അടിവളമായി നല്‍കാം. ഒരു സെന്റിലേക്ക് 30ഗ്രാം വിത്ത് മതി. ചാലുകളില്‍ ഒന്നരയടി അകലത്തില്‍ വിത്തുകള്‍ വിതക്കാം. രണ്ട് ദിവസത്തിലൊരിക്കല്‍ നന നിര്‍ബന്ധം. രണ്ടാഴ്ച്ചയിലൊരിക്കല്‍ ഒരു കൈക്കുമ്പിള്‍ ഉണങ്ങിപ്പൊടിഞ്ഞ കോഴിക്കാഷ്ടം ചെടിയുടെ ചുവട്ടില്‍ നിന്നും 20സെന്റീമീറ്റര്‍ അകലത്തിലായി ചേര്‍ത്ത് മണ്ണുമായി ഇളക്കി ചേര്‍ക്കണം. മുട്ട അമിനോ ആസിഡ് 2 മില്ലി ഒരു ലിറ്റര്‍ വെള്ളത്തില്‍ കലക്കി പത്ത് ദിവസത്തിലൊരിക്കല്‍ ഇലകളില്‍ തളിക്കുന്നത് ഉത്തമം. രാസവളം ചേര്‍ക്കുന്നെങ്കില്‍ സെന്റൊന്നിലേക്ക് അര കിലോഗ്രാം യൂറിയയും കാല്‍ കിലോഗ്രാം വീതം രാജ്‌ഫോസും പൊട്ടാഷും മഗ്നീഷ്യം സള്‍ഫേറ്റും 50ഗ്രാം ബോറാക്‌സും ചേര്‍ക്കാം.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

organic farming; season of ladies finger.