പ്രപഞ്ചം കണ്ടതില്‍ ശക്തിയേറിയ പൊട്ടിത്തെറി നക്ഷത്രം

ഭൂമിയില്‍ നിന്നും 8000 പ്രകാശ വര്‍ഷം അകലെയാണ് ഈ നക്ഷത്രങ്ങള്‍

പ്രപഞ്ചം കണ്ടതില്‍ ഏറ്റവും വലിയ പൊട്ടിത്തെറി ഭീഷണി ഉയര്‍ത്തി അതിവേഗം കറങ്ങിക്കൊണ്ടിരിക്കുന്ന ഒരു നക്ഷത്രം. ഗവേഷകര്‍ കണ്ടെത്തിയ ഇരട്ടനക്ഷത്രങ്ങളില്‍ വോള്‍ഫ്-റായെറ്റ് വിഭാഗത്തില്‍ നക്ഷത്രമാണ് വന്‍ സ്‌ഫോടനത്തിലേക്ക് വഴിവെക്കും വിധം കറങ്ങിക്കൊണ്ടിരിക്കുന്നത്.പ്രപഞ്ചത്തില്‍ താപനില കൂടിയ നക്ഷത്രങ്ങളില്‍ പെടുന്നവയാണ് വോള്‍ഫ് റായറ്റ് നക്ഷത്രങ്ങള്‍. സൂപ്പര്‍ നോവയായി പൊട്ടിത്തെറിക്കുന്നതിനു മുമ്പുള്ള അവസാന ഘട്ടത്തിലൂടെ കടന്നുപോവുന്നവയാണ് ഇവ. ഭൂമിയില്‍ നിന്നും 8000 പ്രകാശ വര്‍ഷം അകലെയാണ് ഈ നക്ഷത്രങ്ങള്‍ സ്ഥിതി ചെയ്യുന്നതെന്നാണ് കരുതുന്നത്. സൂര്യനിലേക്കുള്ള അകലത്തേക്കാള്‍ ഏകദേശം 50 കോടി ഇരട്ടി ദൂരമാണിത്.
ചിലിയിലെ വെരി ലാര്‍ജ് ടെലിസ്‌കോപ്പും ഓസ്‌ട്രേലിയയിലെ ആംഗ്ലോ-ഓസ്‌ട്രേലിയ ടെലിസ്‌കോപ്പും ഉപയോഗിച്ചാണ് ഈ നക്ഷത്രങ്ങളെ കണ്ടെത്തിയത്. യൂറോപ്യന്‍ സതേണ്‍ ഒബ്‌സര്‍വേറ്ററിയിലാണ് നക്ഷത്രത്തിന്റെ പമ്പരം പോലുള്ള അതിമനോഹരമായ ദൃശ്യം പകര്‍ത്തിയത്.ഭൂമിയില്‍ കൊടുങ്കാറ്റടിക്കുന്നതിനേക്കാള്‍ ഒരുലക്ഷം ഇരട്ടി വേഗതയിലാണ് ഈ നക്ഷത്രങ്ങളില്‍ നിന്നും കാറ്റ് വീശുന്നതെന്നും ഗവേഷകര്‍ കണ്ടെത്തി. നക്ഷത്രത്തിന്റെ അന്ത്യം ഏറ്റവും ശക്തിയേറിയ പൊട്ടിത്തെറിയാവുമെന്ന് വിദഗ്ദര്‍ നിരീക്ഷിക്കുന്നു.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

STAR WHICH IS SPINNING WHICH MAY CAUSE POWERFUL EXPLOSION IN THE UNIVERSE.