ഷവോമി എംഐ നോട്ട് 6 പ്രോ യ്ക്ക് റെക്കോര്‍ഡ്‌ വില്‍പ്പന


ഇന്ത്യയില്‍ ഓണ്‍ലൈനില്‍ ഏറ്റവും കൂടുതല്‍ വിറ്റഴിഞ്ഞ നോട്ട് 5 പ്രോയുടെ പിന്‍ഗാമിയാണ്‌ നോട്ട് 6 പ്രോ

ആദ്യ വില്‍പ്പനയില്‍ 6 ലക്ഷം യൂണിറ്റുകള്‍ വിറ്റ് റെക്കോഡ് സൃഷ്ടിച്ച് ഷവോമി എംഐ നോട്ട് 6 പ്രോ. ഓഫറുകളോടെ എത്തിയ നോട്ട് 6 പ്രോയ്ക്ക് മികച്ച സ്വീകരണമാണ് ലഭിച്ചത്. നവംബര്‍ 22ന് ഇന്ത്യയില്‍ പുറത്തിറങ്ങിയ ഫോണ്‍, വെള്ളിയാഴ്ചയാണ് ഫ്ലിപ്പ്കാര്‍ട്ട് വഴി വില്‍പ്പനയ്ക്ക് എത്തിയത്. 1000 രൂപ കിഴിവോടെയാണ് ഫോണ്‍ വില്‍പ്പനയ്ക്ക് എത്തിയത്. ഇതിന് ഒപ്പം എച്ച്ഡിഎഫ്സി കാര്‍ഡ് ഉപയോക്താക്കള്‍ക്ക് 500 രൂപ പ്രത്യേക ഡിസ്ക്കൌണ്ടും ലഭിച്ചിരുന്നു.ഇന്ത്യയില്‍ ഓണ്‍ലൈനില്‍ ഏറ്റവും കൂടുതല്‍ വിറ്റഴിഞ്ഞ നോട്ട് 5 പ്രോയുടെ പിന്‍ഗാമിയാണ്‌ നോട്ട് 6 പ്രോ.
നോട്ട് 5 പ്രോയുടെ റെക്കോഡിലേക്കാണ് നോട്ട് 6 പ്രോയും അടുക്കുന്നത്. ഫ്ലിപ്പ്കാര്‍ട്ടിന് പുറമേ എംഐയുടെ ഓണ്‍ലൈന്‍ സ്റ്റോറിലും ഫോണ്‍ ലഭിക്കും. ജിയോ സ്റ്റോര്‍ വഴി ഫോണ്‍ വാങ്ങുന്നവര്‍ക്ക് 2,400 രൂപ ക്യാഷ് ബാക്കും, 6ടിബി ഡാറ്റയും നല്‍കുന്നുണ്ട്. ഷവോമി റെഡ്മീ നോട്ട് 6 പ്രോയ്ക്ക് 4ജിബി പതിപ്പിന് ഇന്ത്യയിലെ വില 13,999 രൂപയാണ്. ഇത് 6 ജിബി പതിപ്പില്‍ എത്തുമ്പോള്‍ 15,999 രൂപയാകും വില.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

xiaomi redmi note 6 pro sells 6 lakh units in first sale.