ഫ്ളിപ്കാര്‍ട്ട് സ്ഥാപകര്‍ക്ക് ആദായനികുതി വകുപ്പിന്റെ നോട്ടീസ്


ഇരുവര്‍ക്കും പുറമെ, 35 ഓഹരി ഉടമകള്‍ക്കും നോട്ടീസ് അയച്ചിട്ടുണ്ട്

അമേരിക്കന്‍ റീട്ടെയില്‍ ഭീമനായ വാള്‍മാര്‍ട്ടിന് ഓഹരി കൈമാറിയതു സംബന്ധിച്ച് ഫ്ളിപ്കാര്‍ട്ടിന്റെ സ്ഥാപകരോട് ആദായനികുതി വകുപ്പ് വിവരങ്ങള്‍ ആരാഞ്ഞു. ഫ്ളിപ്കാര്‍ട്ടിന്റെ സ്ഥാപകരായ സച്ചിന്‍, ബിന്നി ബന്‍സാലുമാരോടാണ് ആദായനികുതി വകുപ്പ് വിവരങ്ങള്‍ ആരാഞ്ഞത്. ഓഹരി വില്പനയിലൂടെ ഉണ്ടാക്കിയ മൂലധന നേട്ടത്തിന് ഇന്ത്യക്കാര്‍ എന്ന നിലയില്‍ 20 ശതമാനം നികുതി നല്‍കാന്‍ സച്ചിനും ബിന്നിയും ബാധ്യസ്ഥരാണ്.ഇത്തരത്തില്‍ വരുമാനമുണ്ടാകുമ്പോള്‍ മുന്‍കൂര്‍ നികുതി അടയ്ക്കേണ്ടതാണ്. അത് എപ്പോള്‍ അടയ്ക്കുമെന്നും ഇരുവര്‍ക്കും നല്‍കിയ നോട്ടീസില്‍ ആദായനികുതി വകുപ്പ് ആരാഞ്ഞു. നികുതിയുടെ 75 ശതമാനം ഡിസംബര്‍ 15-ഓടെയും ബാക്കി 2019 മാര്‍ച്ച് 15-ഓടെയും നിക്ഷേപിക്കേണ്ടതുണ്ട്. ഇടപാട് നടക്കുമ്പോള്‍ സച്ചിനും ബിന്നിക്കും ഏതാണ്ട് അഞ്ച്‌ ശതമാനം വീതം ഓഹരിയാണ് ഉണ്ടായിരുന്നത്. ഇരുവര്‍ക്കും പുറമെ, 35 ഓഹരി ഉടമകള്‍ക്കും നോട്ടീസ് അയച്ചിട്ടുണ്ട്. ഇക്കഴിഞ്ഞ ഓഗസ്റ്റിലാണ് ഫ്ളിപ്കാര്‍ട്ടിന്റെ 77 ശതമാനം ഓഹരികള്‍ വാള്‍മാര്‍ട്ട് 1,600 കോടി ഡോളറിന് (ഏതാണ്ട് 1.08 ലക്ഷം കോടി രൂപ) സ്വന്തമാക്കിയത്. ഇതില്‍ ഏതാണ്ട് 7,439 കോടി രൂപ വിദേശങ്ങളിലുള്ള 44 ഓഹരി ഉടമകളില്‍നിന്ന് ഓഹരി വാങ്ങാനാണ് ചെലവഴിച്ചത്.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Tax notices to Flipkart founders Binny Bansal, Sachin Bansal.