എംഎഫ് ഹുസൈന്റെ 'മോറിസ് 8' 17.74 ലക്ഷം രൂപയ്ക്ക് ലേലത്തില്‍ വിറ്റു

8-12 ലക്ഷം രൂപ വരെയാണ് വാഹനത്തിന്റെ ഏകദേശ മൂല്യം കണക്കാക്കിയിരുന്നത്



ആര്‍ട്ടിസ്റ്റ് എംഎഫ് ഹുസൈന്‍ ഉപയോഗിച്ചിരുന്ന മോറിസ് 8 വിന്റേജ് ബ്രിട്ടീഷ് കാര്‍ ഓണ്‍ലൈന്‍ ലേലത്തില്‍ വിറ്റുപോയത് 17.74 ലക്ഷം രൂപയ്ക്ക്. ബുധനാഴ്ച രാത്രി അവസാനിച്ച ഓണ്‍ലൈന്‍ ലേലത്തില്‍ മുംബൈ കേന്ദ്രീകരിച്ച് പ്രവര്‍ത്തിക്കുന്ന ഒരു ബിസിനസുകാരനാണ് ''മോറിസ് 8'' സ്വന്തമാക്കിയത് . മോറിസ് 8 നിരയിലെ 1937 മോഡല്‍ വാഹനമാണിത്. മുംബൈ ആസ്ഥാനമായി പ്രവര്‍ത്തുന്ന ആസ്റ്റാഗുരു എന്ന കമ്പനി നടത്തിയ ഓണ്‍ലൈന്‍ ലേലത്തിലാണ് ഈ മോറിസിനെത്തേടി ആവശ്യക്കാരെത്തിയത്. ഓണ്‍ലൈനിലൂടെ ഇന്ത്യയിലെ ആദ്യ വിന്റേജ് കാര്‍ ലേലമായിരുന്ന ഇത്. 8-12 ലക്ഷം രൂപ വരെയാണ് വാഹനത്തിന്റെ ഏകദേശ മൂല്യം കണക്കാക്കിയിരുന്നത്.1991 മുതലാണ് മോറിസ് 8 എംഎഫ് ഹുസൈന്‍ കുടുംബത്തിലേക്കെത്തിയത്.ഹുസൈന്‍ ഉപയോഗിച്ചിരുന്ന കാലത്ത് മോറിസ് ഗ്രേ-ബ്ലാക്ക് നിറത്തിലായിരുന്നു . 2011 ല്‍ അദ്ദേഹം മരിച്ച ശേഷം മുംബൈയിലെ വീട്ടില്‍ സൂക്ഷിച്ച മോറിസ് 8 പിന്നീട് റീ പെയന്റ് ചെയ്ത് ബീജ്-ബ്ലാക്ക് നിറത്തിലേക്ക് മാറ്റി. 1935 മുതല്‍ 1948 വരെയുള്ള കാലയളവിലാണ് മോറിസ് 8 മോഡല്‍ കമ്പനി നിര്‍മിച്ചിരുന്നത്.ഫോര്‍ഡ് മോഡല്‍ Y ക്ക് ലഭിച്ച ജനപ്രീതിയില്‍ നിന്ന് പ്രചോദനം ഉള്‍ക്കൊണ്ടായിരുന്നു മോറിസ് 8 പുറത്തിറങ്ങിയത്.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Artist MF Hussain's vintage Morris 8 car auctioned for Rs 17.74 lakhs.