യൂട്യൂബില്‍ സ്വന്തമായി ചാനലുള്ള ഏറ്റവും പ്രായം കൂടിയ വ്യക്തി

ഒരു വര്‍ഷത്തിനുള്ളില്‍ 12 ലക്ഷത്തിലധികം ആളുകളാണ് പാചകം കാണാൻ ഇവരുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്തത്

യൂട്യൂബില്‍ സ്വന്തമായി ചാനലുള്ള ഏറ്റവും പ്രായം കൂടിയ വ്യക്തിയായ മസ്താനമ്മ അന്തരിച്ചത് ഞെട്ടലോടെയാണ് സോഷ്യൽ മീഡിയ ലോകം കേട്ടത് . യൂട്യൂബിലെ പാചകറാണിയായിരുന്ന 107 വയസുകാരി മസ്താനമ്മയുടെ ജീവിതം ഇങ്ങനെയായിരുന്നു .ആന്ധ്രാ സ്വദേശിയായ മസ്താനമ്മ നാട്ടുരീതിയിലുള്ള പാചക കലയാണ് പ്രയോഗിച്ചിരുന്നത്. 2016ല്‍ ചെറുമകന്‍ ലക്ഷ്മണിനും കൂട്ടുകാര്‍ക്കുംവേണ്ടി വഴുതനങ്ങക്കറി തയ്യാറാക്കുന്ന വീഡിയോ സമൂഹമാധ്യമങ്ങളില്‍ പ്രചരിച്ചതോടെയാണ് പാചകറാണി മസ്താനമ്മ അറിയപ്പെട്ടു തുടങ്ങിയത്. 75 ലക്ഷത്തോളം ആളുകളാണ് ആ വീഡിയോ കണ്ടത്. പിന്നീട് മുത്തശ്ശിയുടെ പാചക വീഡിയോകള്‍ തുടര്‍ച്ചയായി യൂട്യൂബില്‍ വന്നു. ഒരു വര്‍ഷത്തിനുള്ളില്‍ 12 ലക്ഷത്തിലധികം ആളുകളാണ് പാചകം കാണാൻ ഇവരുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്തത്. തണ്ണിമത്തന്‍ ഉപയോഗിച്ചുള്ള ചിക്കന്‍ കറി, ബിരിയാണി, കബാബ് തുടങ്ങി ഒട്ടനവധി വിഭവങ്ങള്‍ തയ്യാറാക്കിയാണ് മസ്താനമ്മ കാണികളെ കൊതിപ്പിച്ചിരുന്നത്. പ്രദേശിക വിഭവങ്ങളില്‍ ഒതുങ്ങുന്നതായിരുന്നില്ല മസ്താനമ്മയുടെ പാചക വൈദഗ്ദ്യം. യൂട്യൂബില്‍ പോസ്റ്റ് ചെയ്ത് നിമിഷങ്ങള്‍ക്കുള്ളിലായിരുന്നു ഇവരുടെ വീഡിയോകള്‍ സമൂഹമാധ്യമങ്ങളില്‍ പ്രചരിച്ചിരുന്നത്. യൂട്യൂബില്‍ സ്വന്തമായി ചാനലുള്ള ഏറ്റവും പ്രായമുള്ള വ്യക്തികൂടിയാണ് മസ്താനമ്മ.മസ്തനാമ്മയുടെ പാചക നൈപുണ്യം ലോകമറിഞ്ഞതിനു പിന്നിൽ കൊച്ചുമകൻ ലക്ഷ്മണാണ്. ലക്ഷ്മണും സുഹൃത്ത് ശ്രീനാഥ് റെഡ്ഢിയും ചേര്‍ന്നാണ് ചാനല്‍ തുടങ്ങിയത്. മുട്ടദോശ, ഫിഷ് ഫ്രൈ, ബാംബൂ ചിക്കന്‍ ഇങ്ങനെ മസ്താനമ്മ അവതരിപ്പിക്കുന്ന വിഭവങ്ങളുടെ എണ്ണം നീളും. തനതു പ്രാദേശിക വിഭവങ്ങളുമുണ്ട് ഈ പട്ടികയില്‍. ആന്ധ്രാപ്രദേശിലെ ഗുണ്ടൂര്‍ ജില്ലയിലെ ഗൂഡിവാഡ ഗ്രാമത്തില്‍ ജനിച്ചു വളര്‍ന്ന മസ്താനമ്മ കൂലിപണിയെടുത്തായിരുന്നു ജീവിച്ചിരുന്നത്. തന്റെ അഞ്ച് മക്കളെയും പഠിപ്പിച്ച ഒരു നിലയിലാക്കിയശേഷമാണ് സമയം ചിലവിടാനായി ഇവര്‍ യൂടൂബ് പാചകപ്രചാരണത്തിലേക്ക് കടക്കുന്നത്. തന്റെ നൂറ്റിയാറാം പിറന്നാള്‍ മസ്താനമ്മ ആഘോഷിച്ചത് യൂടൂബില്‍ നിന്നും കിട്ടിയ വരുമാനം കൊണ്ടായിരുന്നു. പാചകം ഹരമായ മസ്താനമ്മ കണ്‍ട്രി ഫുഡ്‌സ് എന്ന യുട്യൂബ് ചാനല്‍ വഴിയാണ് തന്റെ പ്രിയരുചികള.