തീര്‍ഥാടകരെ ആകര്‍ഷിക്കാന്‍ താരങ്ങളെ അണിനിരത്തി പരസ്യം

സിനിമ താരങ്ങള്‍ അടക്കമുള്ള പ്രമുഖരെയാണ് പരസ്യം തയ്യാറാക്കുന്നതിനുവേണ്ടി പരിഗണിക്കുന്നത്

ശബരിമലയിലേക്ക് കൂടുതല്‍ തീര്‍ഥാടകരെ ആകര്‍ഷിക്കാന്‍ സിനിമാ താരങ്ങള്‍ അടക്കമുള്ളവരെ ഉള്‍പ്പെടുത്തി പരസ്യങ്ങള്‍ തയ്യാറാക്കാന്‍ ദേവസ്വം ബോര്‍ഡിന്റെ നീക്കം.
ഇതുസംബന്ധിച്ച അന്തിമ തീരുമാനം തിങ്കളാഴ്ച ചേരുന്ന ബോര്‍ഡ് യോഗത്തില്‍ ഉണ്ടാകുമെന്ന് ദേവസ്വം ബോര്‍ഡ് പ്രതിനിധിയെ ഉദ്ധരിച്ച് പി.ടി.ഐ വാര്‍ത്താ ഏജന്‍സി റിപ്പോര്‍ട്ടു ചെയ്തു.
മണ്ഡല - മകരവിളക്ക് തീര്‍ഥാടനത്തിനായി നടതുറന്ന് ആഴ്ചകള്‍ പിന്നിടുമ്പോള്‍ തീര്‍ഥാടകരുടെ എണ്ണത്തിലുണ്ടായ ഗണ്യമായ കുറവാണ് പരസ്യം തയ്യാറാക്കുന്നത് സംബന്ധിച്ച ആലോചനകള്‍ക്ക് പിന്നിലെന്നാണ് ലഭ്യമായ വിവരം. പരസ്യത്തിലൂടെ തീര്‍ഥാടകരുടെ ഭയം അകറ്റാനാകുമെന്നാണ് ദേവസ്വം ബോര്‍ഡ് പ്രതീക്ഷിക്കുന്നത്.
സിനിമ താരങ്ങള്‍ അടക്കമുള്ള പ്രമുഖരെയാണ് പരസ്യം തയ്യാറാക്കുന്നതിനുവേണ്ടി പരിഗണിക്കുന്നത്.

നവംബര്‍ മധ്യത്തോടെ മണ്ഡല - മകരവിളക്ക് തീര്‍ഥാടനത്തിന് തുടക്കമായെങ്കിലും പ്രതിഷേധങ്ങളും നിരോധനാജ്ഞയുംമൂലം തീര്‍ഥാടകരുടെ എണ്ണത്തില്‍ വന്‍ കുറവാണ് ഉണ്ടായിരിക്കുന്നത്. എന്നാല്‍, വെള്ളിയാഴ്ച 61,000 പേര്‍ മല ചവിട്ടിയപ്പോള്‍ ശനിയാഴ്ച അത് 75,000 ആയി ഉയര്‍ന്നത് ബോര്‍ഡിന് ആശ്വാസമേകുന്ന കണക്കാണ്. അന്യസംസ്ഥാനത്തു നിന്നുള്ള തീര്‍ഥാടകരാണ് ഇത്തവണ ശബരിമലയില്‍ എത്തുന്നവരില്‍ ഏറെയും.

തീർഥാടക തിരക്കേറിയതോടെ ശബരിമലയുടെ വരുമാനവും ക്രമാനുഗതമായ വർധനയിലേക്ക് ഉയരുന്നുണ്ട്.
ആദ്യ ഒന്നര ആഴ്ചയിൽ ഇടിവാണ് രേഖപ്പെടുത്തിയതെങ്കിൽ മൂന്നാമത്തെ ആഴ്ചമുതൽ നേരിയ വർധനയിലേക്കുയരുകയാണ്. കഴിഞ്ഞ രണ്ട് ദിവസങ്ങളെ അപേക്ഷിച്ച് ശനിയാഴ്ചമാത്രം മൂന്നുശതമാനത്തിന്റെ വർധനയുണ്ടായതായാണ് ദേവസ്വം ബോർഡിന്റെ കണക്ക്. കഴിഞ്ഞ വർഷത്തെ വരുമാനത്തോട് താരതമ്യം ചെയ്യുമ്പോൾ ഇത്തവണ കുറവ് തന്നെയാണ്. ഭക്തരുടെ തിരക്കും അപ്പം, അരവണ വിൽപനയും അനുദിനം വർധിക്കുന്നത് ദേവസ്വംബോർഡിന് പ്രതീക്ഷയേകുന്നുണ്ട്.
ആദ്യത്തെ ആഴ്ചയിൽ ശരാശരി ഇരുപതിനായിരത്തിനും മുപ്പതിനായിരത്തിനും ഇടയിലുള്ള തീർഥാടകരേ എത്തിയിരുന്നുള്ളൂ.
രണ്ടാമത്തെ ആഴ്ച അവസാനിക്കുമ്പോൾ അമ്പതിനായിരത്തിന് മുകളിലായി തീർഥാടകരുടെ എണ്ണം. ശനിയാഴ്ച .