നാഡീകോശ ചികിത്സയിലൂടെ മയക്ക് മരുന്നിൽ നിന്ന് മോചനം

കാലിഫോർണിയ സർവകലാശാലയിലെ ഡോ. തോമസ് താന്നിക്കലിന്റെ നേതൃത്വത്തിലാണ് പഠനം നടന്നത്

മയക്കുമരുന്നിന് അടിമകളായവരെ തലച്ചോറിലെ നാഡീകോശ ചികിത്സയിലൂടെ മോചിപ്പിക്കാമെന്ന കണ്ടെത്തലുമായി മലയാളി ശാസ്ത്രജ്ഞൻ.
കാലിഫോർണിയ സർവകലാശാലയിലെ ഡോ. തോമസ് താന്നിക്കലിന്റെ നേതൃത്വത്തിൽ നടത്തിയ പഠനം, ‘സയൻസ് ട്രാൻസലേഷണൽ മെഡിസിൻ’ എന്ന ജേണലിൽ പ്രസിദ്ധീകരിച്ചിട്ടുണ്ട്.
മനുഷ്യന്റെ തലച്ചോറിൽ ‘ഹിപ്പോെക്രറ്റിൻ’ എന്ന പ്രോട്ടീൻ തന്മാത്രകൾ ഉത്പാദിപ്പിക്കുന്ന കോശങ്ങളുണ്ട്. ഹിപ്പോെക്രറ്റിന്റെ അളവുകുറഞ്ഞാൽ പകൽ ഉറങ്ങിപ്പോവുന്ന രോഗമായ ‘നർക്കോലെപ്‌സി’ ഉണ്ടാവും. വാഹനമോടിക്കുമ്പോഴും ജോലി ചെയ്യുമ്പോഴുമൊക്കെ അസാധാരണമായി ഉറങ്ങിപ്പോകുന്ന അവസ്ഥ. മറ്റൊരു രോഗം ‘കറ്റാപ്ലെക്‌സി’(മോഹാലസ്യം)യാണ്.
ഇതു രണ്ടും വർധിച്ചുവരുന്ന സാഹചര്യത്തിലായിരുന്നു ഡോ. തോമസിന്റെ പഠനം.
ഹെറോയിനെന്ന മയക്കുമരുന്നിന് അടിമയായ ഒരാളുടെ തലച്ചോറിന്റെ പ്രവർത്തനങ്ങൾ പഠിക്കാനിടയായതാണ് ഗവേഷണത്തിൽ വഴിത്തിരിവായത്. അയാളുടെ തലച്ചോറിൽ ഹിപ്പോെക്രറ്റിൻ ഉത്പാദിപ്പിക്കുന്ന നാഡീകോശങ്ങൾ കൂടുതലായി കണ്ടു. വിശദമായ പഠനങ്ങൾക്കായി ഹെറോയിന് അടിമകളായ മറ്റുചിലരുടെ തലച്ചോറിന്റെ പ്രവർത്തനങ്ങൾകൂടി പഠിച്ചു.


ശാസ്ത്രീയ തെളിവുകൾക്കായി എലിയിലായി പരീക്ഷണം.

കറുപ്പിൽനിന്ന് വേർതിരിച്ചെടുക്കുന്ന മോർഫീൻ, എലിയിൽ കുത്തിവെച്ചു. അതിനുശേഷം ഹിപ്പോെക്രറ്റിന്റെ തോത് കൂടുന്നതാണ് കണ്ടത്. മാത്രമല്ല, പരീക്ഷണകാലം കഴിഞ്ഞും അതിന്റെ സാന്നിധ്യം നിലനിൽക്കുന്നുണ്ടായിരുന്നു. ഇതോടെയാണ് നർക്കോലെപ്‌സി, കറ്റാപ്ലെക്‌സി എന്നീ രോഗങ്ങൾക്ക് കറുപ്പുപോലുള്ളവയിൽനിന്നുള്ള മരുന്നുകൾ പരിഹാരമാകുമെന്ന് കണ്ടെത്തിയത്. മയക്കുമരുന്നുകൾക്ക് അടിമകളായവരിൽ ഹിപ്പോെക്രറ്റിന്റെ തോത് കുറച്ച് പരിഹാരം കാണാനും സാധ്യതെതളിഞ്ഞു.

കണ്ണൂർ ചെമ്പൻതൊട്ടി സ്വദേശിയാണ് ഡോ. തോമസ് താന്നിക്കൽ.
എം.ജി. സർവകലാശാലയിൽനിന്ന് പിഎച്ച്.ഡി., കാലിഫോർണിയ സർവകലാശാലയിൽനിന്ന് പോസ്റ്റ് ഡോക്ടറൽ റിസർച്ച് എന്നിവ കരസ്ഥമാക്കി. .