ഈ ശബരിമലയിൽ യുവതികൾക്കും കയറാം

18 പടികളും മാളികപ്പുറത്തമ്മയും ഒക്കെ ഇവിടെയുമുണ്ട്


ശബരിമലയിൽ സുപ്രീം കോടതി എല്ലാ പ്രായത്തിലുമുള്ള സ്ത്രീകൾക്കും പ്രവേശനം അനുവദിച്ചതിന്‌‍റെ കോലാഹലങ്ങൾ ഇതുവരെയും അടങ്ങിയിട്ടില്ല. ശബരിമലയിലെ അയ്യപ്പന്റെ പ്രതിഷ്ഠ നൈഷ്ഠിക ബ്രഹ്മചാരിയുടേതാണന്നും അതിനാൽ പത്തിനും അൻപതിനും മധ്യേ പ്രായമുള്ളവർ പ്രവേശിക്കാൻ പാടില്ല എന്നുമാണ് വിധിയെ എതിർക്കുന്നവരുടെ പ്രധാന വാദം. അതുകൊണ്ടുതന്നെ വിധി കേട്ട് ഇവിടെ എത്തുന്ന പ്രത്യേക പ്രായപരിധിയിലുള്ള സ്ത്രീകൾക്ക് ഇവിടെ പ്രവേശിക്കാനാവുന്നില്ല. ഈ സാഹചര്യത്തിൽ ശബരിമല കൂടാതെ പ്രശസ്തിയിലേക്കുയരുന്ന മറ്റൊരു ക്ഷേത്രമുണ്ട്. ശബരിമല ക്ഷേത്രത്തിന്റെ രൂപത്തിലും മാതൃകയിലും തന്നെ നിർമ്മിച്ചിരിക്കുന്ന മറ്റൊരു ക്ഷേത്രം. പത്തനംതിട്ട തടിയൂരിലെ പുത്തൻശബരിമല ക്ഷേത്രമാണ് യഥാർഥ ശബരിമല ക്ഷേത്രവുമായുള്ള സാമ്യം കൊണ്ട് പ്രസിദ്ധമായിരിക്കുന്നത്. പുത്തൻശബരിമല ക്ഷേത്രത്തിന്റെ വിശേഷങ്ങൾ വായിക്കാം.
പത്തനംതിട്ട ജില്ലയിലെ അരിയൂർ പ‍ഞ്ചായത്തിൽ തടിയൂർ എന്ന ഗ്രാമത്തിലാണ് പുത്തൻ ശബരിമല ക്ഷേത്രം സ്ഥിതി ചെയ്യുന്നത്.
തിരുവല്ലയിൽ നിന്നും 21 കിലോമീറ്ററും റാന്നിയിൽ നിന്നും 10 കിലോമീറ്ററും അകലെയാണ് ഈ ക്ഷേത്രം സ്ഥിതി ചെയ്യുന്നത്.യഥാർഥ ശബരിമല ക്ഷേത്രത്തിനു സമാനമായ പല കാര്യങ്ങളും തടിയൂരിലെ ക്ഷേത്രത്തിലും കാണാം. അതുകൊണ്ടുതന്നെ പുത്തൻശബരിമല എന്നാണ് ഈ ക്ഷേത്രം അറിയപ്പെടുന്നത്. 18 പടികളും മാളികപ്പുറത്തമ്മയും ഒക്കെ ഇവിടെയുമുണ്ട്. ശബരിമലയിൽ എങ്ങനെയാമോ 18 പടി നിർമ്മിച്ചിരിക്കുന്നത് അതേ അളവിലും രൂപത്തിലും തന്നെയാണ് ഇവിടെയും 18പടികളും നിർമ്മിച്ചിരിക്കുന്നത്
യഥാർഥ ശബരിമലയിൽ നിന്നും പുത്തൻശബരിമല ക്ഷേത്രത്തെ വ്യത്യസ്തമാക്കുന്നത് ഇവിടെ യുവതികൾക്കു പ്രവേശിക്കാം എന്നതാണ്.
അതായത് ഏതു പ്രായത്തിലുമുള്ള സ്ത്രീകൾക്കും ഇവിടെ പ്രവേശിക്കുകയും ആരാധന നടത്തുകയും ചെയ്യാം.
സ്ത്രീകള്‍ക്ക് ഇവിടെ പ്രവേശിച്ച് ദർശനം നടത്താമെങ്കിലും ഒരു കാര്യത്തിൽ മാത്രം നിബന്ധനയുണ്ട്. പതിനെട്ടാംപടി ചവിട്ടിയാണ് ക്ഷേത്ര ദർശനം നടത്തേണ്ടതെങ്കിൽ യഥാർഥ ശബരിമല ക്ഷേത്രത്തിലെ ആചാരങ്ങൾ ഇവിടെയും പാലിക്കേണ്ടി വരും. അതായത് പടികൾ ചവിട്ടികയറണെങ്കിൽ ശബരിമലയിലേതുപോലെ തന്നെ 41 ദിവസത്തെ വ്രതവും ഇരുമുടിക്കെട്ടും നിർബന്ധം തന്നെയാണ്.എന്നാൽ പത്തിനും 50നും ഇടയിൽ പ്രായമുള്ളവർക്കും ഇവിടെ ദർശനം നട.