വോള്‍വോ എസ് 90 മൊമന്റം

വോള്‍വോ ഇന്ത്യയിലെത്തിച്ചിട്ടുള്ളതില്‍ ഏറ്റവും ഉയര്‍ന്ന സെടാനാണ് വോള്‍വോ എസ് 90 മൊമന്റം

പതിവുശൈലിക്ക് വിപരീതമായി പിയാനൊ ബ്ലാക്ക് ഫിനീഷിങ്ങിലുള്ള ഗ്രില്ലാണ് നല്‍കിയിരിക്കുന്നത്. ഇതിനൊപ്പം ഡയമണ്ട് കട്ട് 18 ഇഞ്ച് അലോയ് വീലുകള്‍ എസ് 90 കൂടുതല്‍ ആകര്‍ഷകമാക്കുന്നു. മുന്‍ സീറ്റ് വെന്റിലേഷനും മസാജ് ഫങ്ഷനുമാണ് എടുത്ത് പറയേണ്ട മറ്റ് പ്രത്യേകതകള്‍. 9.0 ഇഞ്ച് ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സംവിധാനം, ഡിജിറ്റല്‍ മീറ്ററുകള്‍, ഓട്ടോ പാര്‍ക്കിങ് സംവിധാനം, മുന്‍ പിന്‍ പാര്‍ക്കിങ് സെന്‍സറുകള്‍, സ്റ്റാന്‍ഡേര്‍ഡ് പിന്‍ ക്യാമറ തുടങ്ങിയ ഫീച്ചറുകളും വോള്‍വോ എസ്90 മൊമന്റത്തില്‍ ഒരുക്കിയിട്ടുണ്ട്.സുരക്ഷയുടെ കാര്യത്തില്‍ വോള്‍വോ ഇതിലും വിട്ടുവീഴ്ച വരുത്തിയിട്ടില്ല.
ആറ് എയര്‍ബാഗുകള്‍, എബിഎസ്, ഇബിഡി, ബ്രേക്ക് അസിസ്റ്റ്, ഐസോഫിക്‌സ് ചൈല്‍ഡ് സീറ്റ് മൗണ്ടുകള്‍, പൈലറ്റ് അസിസ്റ്റുള്ള അഡാപ്റ്റീവ് ക്രൂയിസ് കണ്‍ട്രോള്‍ തുടങ്ങിയവ യാത്രക്കാരുടെ സുരക്ഷ ഉറപ്പുവരുത്തും. മെഴ്‌സിഡീസ് ബെന്‍സ് ഇ ക്ലാസ്, ബി.എം.ഡബ്ല്യു. 5 സീരീസ്, ഔഡി എ6, ജാഗ്വാര്‍ എക്‌സ്.എഫ്. എന്നിവര്‍ എതിരാളികളായെത്തുന്ന വോള്‍വോ എസ്. 90 മൊമന്റത്തിന് 51.90 ലക്ഷം രൂപ മുതലാണ് എക്‌സ്‌ ഷോറൂം വില.

Volvo S90 Momentum Variant Launched In India.