നാലു കിലോയുടെ സ്വർണ്ണപ്പാത്രത്തിൽ ആഹാരം കഴിച്ച കള്ളൻ

ഹൈദരാബിദിലെ നൈസാമിന്റെ മ്യുസിയത്തിൽ നിന്നും മോഷ്ടിച്ച സ്വർണ്ണ പാത്രത്തിലാണ് കള്ളൻ ഈ വിക്രിയ ഒപ്പിച്ചത്

മരതകവും രത്നവും പതിച്ച നാലു കിലോയുടെ സ്വർണ്ണ പാത്രത്തിൽ ദിവസവും ആഹാരം കഴിച്ച ഒരു കള്ളൻ
ഹൈദരാബിദിലെ നൈസാമിന്റെ മ്യുസിയത്തിൽ നിന്നും മോഷ്ടിച്ച സ്വർണ്ണ പാത്രത്തിലാണ് കള്ളൻ ഈ വിക്രിയ ഒപ്പിച്ചത് .


സെപ്റ്റംബർ രണ്ടിനാണ് ഹൈദരാബാദിലെ പുരാനി ഹവേലിയിലുള്ള മ്യുസിയത്തിന്റെ വെന്റിലേഷൻ ദ്വാരത്തിലൂടെ മോഷ്ടാക്കൾ അകത്തുകടന്ന് നൈസാമിന്റെ മ്യുസിയത്തിൽ നിന്നും നാലു കിലോയുടെ സ്വർണ്ണ ചോറ്റുപാത്രമുൾപ്പെടെയുള്ള വസ്തുക്കൾ മോഷ്ടിച്ചത്. നൈസാമിന്റെ സ്വർണ്ണ ചോറ്റുപാത്രം, ഒരു സ്വർണ്ണ കപ്പ്, ഒരു സോസർ, ഒരു സ്പൂണും ട്രേയും എന്നിവ മോഷ്ടാക്കൾ കൊണ്ടുപോയി. എന്നാൽ, നഷ്ടപ്പെട്ട വസ്തുക്കൾ മുഴുവൻ ഹൈദരാബാദ് പൊലീസ് കണ്ടുകെട്ടി.മ്യുസിയത്തിലെ വിലപിടിപ്പുള്ള വസ്തുക്കൾ മോഷ്ടിച്ച കള്ളന്മാരിലൊരാൾ വജ്രവും മരതകവും രത്നവും പതിച്ച കോടികൾ വിലമതിക്കുന്ന ഈ ചോറ്റുപാത്രത്തിലായിരുന്നു ദിവസവും ആഹാരം കഴിച്ചിരുന്നതെന്ന് പോലീസ് പറഞ്ഞു .

മോഷ്ടിച്ച മുഴുവൻ വസ്തുക്കൾക്കും മാർക്കറ്റിൽ 1 കോടിയിലധികം വില വരുമെന്ന് പൊലീസ് പറഞ്ഞു.

'മോഷ്ടാക്കൾ സ്വർണ ചട്ടയുള്ള ഖുർആൻ കൂടി എടുക്കാൻ ഒരുങ്ങുകയായിരുന്നു. അപ്പോഴാണ് പള്ളിയിൽ നിന്നും പ്രഭാത നിസ്കാരത്തിനുള്ള ബാങ്ക് വിളി കേട്ടത്. ഭക്തി കൊണ്ടാണോ, അതോ പേടിച്ചിട്ടാണോ എന്നറിയില്ല, ഖുർആൻ അവർ എടുത്തില്ല,' ഹൈദരാബാദ് പൊലീസ് കമ്മിഷണർ അഞ്ജനി കുമാർ പറഞ്ഞു.
22 പേരടങ്ങിയ അന്വേഷണ സംഘമാണ് രണ്ടു മോഷ്ടാക്കളെയും മുംബൈയിലെ ഒരു ഫൈവ് സ്റ്റാർ ഹോട്ടലിൽ നിന്നും അറസ്റ്റുചെയ്തത്.

Thief used Nizams 4 kg gold tiffin box to eat food.