കമ്പ്യൂട്ടര്‍ ഉപയോഗിക്കുമ്പോള്‍ ശ്രദ്ധിക്കേണ്ട ചില കാര്യങ്ങള്‍

പുതുയുഗമെന്നത് കമ്പ്യൂട്ടര്‍ യുഗമാണ്.ആരോഗ്യ പ്രശ്നങ്ങള്‍ ഒഴിവാക്കാന്‍ കമ്പ്യൂട്ടര്‍ ഉപയോഗിക്കുമ്പോള്‍ ചില കാര്യങ്ങള്‍ ശ്രദ്ധിക്കേണ്ടതായുണ്ട്.

പേപ്പറിനോട് വിട പറഞ്ഞ് സ്മാര്‍ട്ടായ ഒരു കാലത്തിലേക്കാണ് മനുഷ്യര്‍ കാലെടുത്ത് വെയ്ക്കുന്നത്. ഈ കാലഘട്ടത്തില്‍ കമ്പ്യൂട്ടര്‍ എന്നത് ഏവര്‍ക്കും തളളിക്കളയാനാവാത്ത ഒരു ഘടകം തന്നെയാണ്.കമ്പ്യൂട്ടര്‍ സ്ഥാപിപ്പിക്കുമ്പോഴും അത് പ്രവര്‍ത്തിപ്പിക്കുമ്പോഴും കുറച്ച്‌ കാര്യങ്ങള്‍ ശ്രദ്ധിക്കേണ്ടതുണ്ട്.

* ഉപയോഗിക്കുന്നയാളുടെ തലയും കഴുത്തും അല്‍പം ഉയര്‍ത്തിവെക്കണം. മുഖം സ്‌ക്രീനിനു നേരെയായിരിക്കണം.

* സ്‌ക്രീനും കീബോര്‍ഡും നിങ്ങള്‍ക്ക് നേരെയായിരിക്കണം. സ്‌ക്രീന്‍ നിങ്ങളുടെ കണ്ണുകള്‍ക്ക് എളുപ്പം കാണാവുന്ന തരത്തില്‍ കൃത്യമായ ഫോക്കല്‍ ദൂരത്തിലായിരിക്കണം.

* മൗസ് ഒന്നിടവിട്ട ദിവസങ്ങളിലായി ഇരു കൈകളിലും മാറിമാറി ഉപയോഗിക്കണം.

* നിങ്ങള്‍ കീബോര്‍ഡ് നോക്കാതെ ടൈപ്പ് ചെയ്യുന്നയാളാണെങ്കില്‍ സ്‌ക്രീന്‍ ഐ ലൈനിനു തൊട്ടുതാഴെയായിരിക്കണം. ടൈപ്പിങ് സ്‌കില്‍ കുറവാണെങ്കില്‍ സ്‌ക്രീന്‍ കുറേക്കൂടി താഴെയായി ഉറപ്പിക്കുന്നതാണ് നല്ലത്.

* കീബോര്‍ഡ് വളരെ ഉയരത്തില്‍വെച്ചാല്‍ നിങ്ങളുടെ മുതുകിന് വേദനവരാനിടയുണ്ട്.

* ഇരിക്കുന്ന കസേരയ്ക്ക് ബാക്ക് സപ്പോര്‍ട്ട് ഉണ്ടായിരിക്കണം. കസേര ഡെസ്‌കുമായി പറ്റാവുന്നത്ര അടുത്തായിരിക്കണം.

Some things to keep in mind when using computers.