മികവില്‍ ഗൂഗിൾ പിക്സൽ സ്മാര്‍ട്ട്‌ ഫോണുകള്‍



ഗൂഗിൾ പിക്സൽ സ്മാർട്ഫോണുകളുടെ പുതിയ പതിപ്പും മറ്റുപകരണങ്ങളും ഗൂഗിൾ ന്യൂയോർക്കിൽ അവതരിപ്പിച്ചു



പിക്സൽ 3, പിക്സൽ 3 എക്സ്എൽ എന്നീ രണ്ടു മോഡലുകളാണ് ഗൂഗിൾ അവതരിപ്പിച്ചത്. ഗ്ലാസ് ബോഡി, എഡ്ജ് ടു എഡ്ജ് ഡിസ്പ്ലേ എന്നിവയാണ് എടുത്തു പറയാവുന്ന ഡിസൈൻ മികവുകൾ. രണ്ടു മോഡലുകളിലും കഴിഞ്ഞ വർഷത്തേതിനെക്കാൾ വലിയ മികച്ച ഡിസ്പ്ലേയാണുള്ളത്. പിക്സൽ 3യിൽ 5.5 ഇഞ്ച് ഡിസ്പ്ലേയും പിക്സൽ 3 എക്സ്എലിൽ 6.3 ഇഞ്ച് ഡിസ്പ്ലേയുമാണുള്ളത്. 4 ജിബി റാം ശേഷിയുള്ള ക്വാൽകോം സ്നാപ്ഡ്രാഗൻ 845 പ്രൊസെസ്സറാണ് രണ്ടു ഫോണിലുമുള്ളത്. വയർലെസ് ചാർജിങ്ങും മികച്ച വാട്ടർ റെസിസ്റ്റൻസ് സംവിധാനവുമുണ്ട്. പിക്സൽ 3യിൽ 2915 മില്ലി ആംപിയർ ബാറ്ററിയും പിക്സൽ 3 എക്സ്എലിൽ 3430 മില്ലി ആംപിയർ ബാറ്ററിയുമാണുള്ളത്.കഴിഞ്ഞ മോഡലുകളിലേതുപോലെ തന്നെ ഗൂഗിൾ ഏറ്റവും മികച്ച പരീക്ഷണങ്ങൾ നടത്തിയിരിക്കുന്നത് ഫോണിലെ ക്യാമറയിലാണ്.
രണ്ടിലും 8 മെഗാപിക്സൽ ഫ്രണ്ട് ക്യാമറയും 12.2 മെഗാപിക്സൽ റിയർ ക്യാമറയുമുണ്ട്. എന്നാൽ, ലെൻസിന്റെ മികവുകളെ അതിശയിക്കുന്ന തരത്തിലാണ് എഐ സംവിധാനം ഓരോ ചിത്രത്തെയും സമീപിക്കുന്നത്. ചിത്രത്തെ മിഴിവുറ്റതാക്കാൻ ഒപ്റ്റിക്കൽ ഇമേജ് സ്റ്റെബിലൈസേഷൻ സഹായിക്കുമ്പോൾ ബാക്കിയുള്ള എല്ലാ ജോലികളും നിർമിതബുദ്ധിയാണ് ചെയ്യുന്നത്.രണ്ടു മോഡലുകളും ഇന്ത്യയിൽ നവംബർ 1 മുതൽ ലഭിക്കും. 64 ജിബി മെമ്മറിയുള്ള പിക്സൽ 3 മോഡലിന് 71,000 രൂപയും 128 ജിബി മെമ്മറിയുള്ള മോഡലിന് 80,000 രൂപയുമായിരിക്കും ഇന്ത്യയിലെ വില. പിക്സൽ 3 എക്സ്എൽ 64 ജിബി മോഡലിന് 83,000 രൂപയും 128 ജിബി മോഡലിന് 92,000 രൂപയും ഇന്ത്യയിൽ വിലയാകും
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

google pixel smartphones new model launch.