സംഘര്‍ഷഭൂമിയായി ശബരിമല: നിരോധനാജ്ഞ ലംഘിക്കപ്പെട്ടു

നിലയ്ക്കലിൽ പ്രഖ്യാപിച്ചിരുന്ന നിരോധനാജ്ഞ ലംഘിച്ച് യുവമോർച്ച പ്രവർത്തകർ



ശബരിമല വിഷയത്തില്‍ കര്‍മസമിതി പ്രഖ്യാപിച്ച ഹര്‍ത്താല്‍ തുടങ്ങി. അതേസമയം നിലയ്ക്കല്‍ വീണ്ടും സഖര്‍ഷ ഭൂമിയാകുന്നു. യുവമോർച്ച സംസ്ഥാ അധ്യക്ഷൻ പ്രകാശ് ബാബുവിന്റെ നേതൃത്വത്തിൽ ആറോളം പേരെത്തിയാണു നിരോധനാജ്ഞ ലംഘിച്ചത്. 41 പ്രവർത്തകരെത്തുമെന്ന് ബിജെപി സംസ്ഥാന അധ്യക്ഷൻ പി.എസ്.ശ്രീധരൻപിള്ള പറഞ്ഞതിന്റെ തൊട്ടുപിന്നാലെ തന്നെ ഇവർ നിലയ്ക്കലിലെത്തി. പ്രതീകാത്മ സമരത്തിന്റെ ഭാഗമായിട്ടാണ് നിരോധനാജ്ഞ ലംഘിക്കലെന്ന് ശ്രീധരൻ പിള്ള പറഞ്ഞു. ശബരിമലയിലെ പൊലീസ് നടപടിയിൽ ജുഡീഷ്യൽ അന്വേഷണം വേണം. പ്രാർഥന നടത്തുന്നവരുടെ പന്തൽ പൊളിക്കാൻ പൊലീസിന് എന്തധികാരമാണുള്ളതെന്നും ശ്രീധരൻപിള്ള ചോദിച്ചു. ഹര്‍ത്താലിനോടനുബന്ധിച്ച് വാഹന ഗതാഗതം തടസ്സപ്പെടുത്തുകയോ അക്രമങ്ങളില്‍ ഏര്‍പ്പെടുകയോ ചെയ്യുന്നവര്‍ക്കെതിരെ കര്‍ശന നടപടികള്‍ സ്വീകരിക്കുമെന്ന് സംസ്ഥാന പോലീസ് മേധാവി ലോക്‌നാഥ് ബെഹ്‌റ അറിയിച്ചു.ശബരിമലയില്‍ പ്രതിഷേധക്കാരെയും അക്രമകാരികളെയും പൂട്ടാന്‍ കച്ചകെട്ടി സര്‍ക്കാര്‍. നീലിമല, അപ്പാച്ചിമേട് ഭാഗത്തു പ്രതിഷേധക്കാരുണ്ടെന്നു സംശയം ഉയര്‍ന്നതിനെത്തുടര്‍ന്നു പൊലീസ് അങ്ങോട്ടു തിരിച്ചു. പ്രശ്നക്കാരായ 50 പേര്‍ മലമുകളില്‍ ഉണ്ടെന്നാണു വിവരം ലഭിച്ചിരിക്കുന്നത്. ഇവര്‍ക്കായി പൊലീസ് തിരച്ചില്‍ തുടങ്ങി, നിലയ്ക്കലില്‍ കണ്‍ട്രോള്‍ റൂം തുറന്നിട്ടുണ്ട്. ഇതിനിടെ ശബരിമല സംബന്ധിച്ച വ്യാജപ്രചരണങ്ങള്‍ക്കെതിരെ ശക്തമായ നടപടിയെടുക്കുമെന്ന് ഡിജിപി വ്യക്തമാക്കി, മതസ്പര്‍ധ വളര്‍ത്തുന്ന സന്ദേശങ്ങള്‍ നിരീക്ഷണത്തിലാണ്. വാട്സപ്പിലടക്കം പ്രചരിപ്പിക്കുന്നവരെ കണ്ടെത്തുമെന്നും അദ്ദേഹം പറഞ്ഞു.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Sabarimala temple row: Section 144 violated.