പോളൊ, അമിയോ, വെന്റോ കണക്ട് എഡീഷന്‍ എത്തി

സാങ്കേതിക മികവിന് പുറമെ, വാഹനത്തിന്റെ പുറം മോഡിയിലും മാറ്റങ്ങള്‍ നല്‍കിയിട്ടുണ്ട്



വാഹന നിരയിലെ കരുത്തന്‍മാരായ പോളൊ, അമിയോ, വെന്റോ എന്നിവയുടെ സ്‌പെഷ്യല്‍ എഡീഷന്‍ മോഡലുകള്‍ ഫോക്‌സ്‌വാഗണ്‍ നിരത്തിലെത്തിച്ചു
സാങ്കേതികവിദ്യക്ക് ഏറെ പ്രധാന്യം നല്‍കി എത്തിച്ചിരിക്കുന്ന വാഹനത്തിന് കണക്ട് എഡീഷന്‍ എന്നാണ് പേര് നല്‍കിയിരിക്കുന്നത്. ഇതിന് പുറമെ, ലാപിസ് ബ്ലു എന്ന പുതിയ നിറത്തിലും ഈ മൂന്ന് വാഹനങ്ങളും പുറത്തിറക്കിയിട്ടുണ്ട്.വാഹനത്തിലെ സാങ്കേതികവിദ്യക്ക് പ്രാധാന്യം നല്‍കിയാണ് കണക്ട് എഡീഷന്‍ എത്തുന്നത്. കാറിനുള്ളിലെ ഓണ്‍ ബോര്‍ഡ് ഡയഗനോസ്റ്റിക്‌സ്(ഒബിഡി) പോര്‍ട്ടും ഡാറ്റാ ഡോങ്കിളും ബന്ധിപ്പിക്കുന്നത് വഴി ട്രിപ്പ് ട്രാക്കിങ്, ഇന്ധന വില, ലോക്കേഷന്‍ ഷെയറിങ്, എമര്‍ജന്‍സി കോള്‍ തുടങ്ങിയ സംവിധാനങ്ങള്‍ ലഭ്യമാക്കുന്നുണ്ട്.ഗ്രേ ഫിനീഷിങ് നല്‍കിയിരിക്കുന്ന 16 ഇഞ്ച് അലോയി, ബ്ലാക്ക് ഷിനീഷിങ് സൈഡ് മിറര്‍, ക്രോമിയം കണക്ട് ബാഡ്ജ്, എന്നിവയാണ് എക്സ്റ്റീരിയറിലെ പുതുമ. കണക്ട് എഡീഷനിലെത്തുന്ന മൂന്ന് വാഹനത്തിന്റെയും അടിസ്ഥാന മോഡല്‍ മുതല്‍ മികച്ച സൗകര്യങ്ങള്‍ ഒരുക്കിയിട്ടുണ്ട്. ഗ്ലോവ് ബോക്‌സ് ലൈറ്റ്, റിയര്‍ യുഎസ്ബി പോര്‍ട്ട് തുടങ്ങിയവയും വെന്റോയില്‍ അടിസ്ഥാന മോഡലില്‍ ഡുവല്‍ എയര്‍ബാഗ്, ബോഡി കളര്‍ സ്‌പോയിലര്‍ എന്നിവ ഒരുക്കിയിട്ടുണ്ട്.കണക്ട് എഡീഷനായുള്ള ഭാവമാറ്റത്തില്‍ മെക്കാനിക്കല്‍ മാറ്റങ്ങള്‍ ഒന്നും വരുത്തിയിട്ടില്ല. കണക്ട് എഡീഷനായ മൂന്ന് വാഹനങ്ങളുടെയും വിലയിലും മാറ്റം വന്നിട്ടില്ലെന്നതും ശ്രദ്ധേയമാണ്.




Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

polo vento ameo connect editions.