ഫേസ്ബുക്ക് ഹാക്കിങ് ;2.9 കോടി ഉപയോക്താക്കൾ പ്രതിസന്ധിയിൽ

പേരും ഫോണ്‍ നമ്പറുകളും ഇമെയില്‍ അഡ്രസുകളും ഉൾപ്പെടെ കോണ്‍ടാക്റ്റ് വിവരങ്ങൾ ഹാക്കര്‍മാര്‍ മോഷ്ടിച്ചു

ഫെയ്‌സ്ബുക്ക് ഹാക്കിങ് 2.9 കോടി ഉപയോക്താക്കളെ ഫെയ്‌സ്ബുക്ക് ഹാക്കിങ് നേരിട്ട് ബാധിച്ചു.ഇവരുടെ പ്രൊഫൈല്‍ വിവരങ്ങളും ചോര്‍ന്നു
കഴിഞ്ഞ മാസം ഫെയ്‌സ്ബുക്ക് വെളിപ്പെടുത്തിയ ഹാക്കിങുമായി ബന്ധപ്പെട്ട കൃത്യമായ വിവരങ്ങള്‍ വെള്ളിയാഴ്ചയാണ് പുറത്തുവിട്ടത്. ഹാക്കിങിനെ തുടര്‍ന്ന് ലോകമെമ്പാടുമുള്ള ഒമ്പത് കോടി ഫെയ്‌സ് ബുക്ക് ഉപയോക്താക്കളുടെ ഫെയ്‌സ് ബുക്ക് അക്കൗണ്ടുകള്‍ താനെ ലോഗ് ഔട്ട് ആയിരുന്നു.
1.5 കോടിയോളം ഉപയോക്താക്കളുടെ പേരും ഫോണ്‍ നമ്പറുകളും ഇമെയില്‍ അഡ്രസുകളും ഉൾപ്പെടെ കോണ്‍ടാക്റ്റ് വിവരങ്ങൾ ഹാക്കര്‍മാര്‍ മോഷ്ടിച്ചു . ഇതുകൂടാതെയുള്ള 1.4 കോടി ആളുകളെയാണ് ഹാക്കിങ് കാര്യമായി ബാധിച്ചത്. ഇവരുടെ പ്രൊഫൈലുമായി ബന്ധപ്പെട്ട വിവരങ്ങളും ചോര്‍ത്തപ്പെട്ടു. സെര്‍ച്ച് ഹിസ്റ്ററി, വിദ്യാഭ്യാസ പശ്ചാത്തലം, സ്ഥലം, ജനന തീയതി, ഫോളോ ചെയ്യുന്ന ആളുകള്‍,പേജുകള്‍ തുടങ്ങിയ വിവരങ്ങള്‍ ഇതില്‍ പെടുന്നു. കഴിഞ്ഞ മാസമാണ് ഫെയ്‌സ്ബുക്ക് അക്കൗണ്ടുകളില്‍ വ്യാപകമായ സൈബര്‍ ആക്രമണം നടന്നുവെന്ന് ഫെയ്‌സ്ബുക്ക് വെളിപ്പെടുത്തിയത്. ഫെയ്സ്ബുക്ക് എപ്പോഴും ലോഗ്ഗ് ഇന്‍ ആയിരിക്കാന്‍ സഹായിക്കുന്ന 'ആക്സസ് ടോക്കന്‍' സംവിധാനത്തിലെ തകരാറാണ് ഹാക്കര്‍മാര്‍ മുതലെടുത്തത്. ഉടനെതന്നെ ആക്സസ് ടോക്കനുകളെല്ലാം ഫെയ്സ്ബുക്ക് പിന്‍വലിക്കുകയായിരുന്നു. ഇതേ തുടര്‍ന്നാണ് ലോഗിന്‍ ആയിക്കിടന്ന പല അക്കൗണ്ടുകളും ലോഗ് ഔട്ട് ആയത്.സംഭവത്തില്‍ വിവിധ അന്വേഷണ ഏജന്‍സികളുമായി സഹകരിക്കുന്നുണ്ടെന്ന് ഫെയ്‌സ്ബുക്ക് വ്യക്തമാക്കി.അമേരിക്കന്‍ ഇടക്കാല തിരഞ്ഞെടുപ്പുകള്‍ വരാനിരിക്കെ കഴിഞ്ഞ വര്‍ഷത്തെ പോലെ വീണ്ടുമൊരു സോഷ്യല്‍ മീഡിയ അട്ടിമറി ശ്രമത്തെയും സംശയിക്കുന്നുണ്ട്. എന്നാല്‍ അത്തരമൊരു സംശയത്തിന്റെ ആവശ്യമില്ലെന്നും അതിനുള്ള സൂചനയൊന്നുമില്ലെന്നുമാണ് ഫെയ്‌സ്ബുക്കിന്റെ പ്രതികരണം.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Hackers stole millions of Facebook users' personal data technology.