രഞ്ജുവിന് ജീവിക്കണം അധ്വാനിച്ചു തന്നെ!

ബിഎസ്‌സി ജ്യോഗ്രഫി ബിരുദധാരിയാണ് രഞ്ജു

''ജീവിക്കാൻ ഇനി ശരീരം വിൽക്കുകയല്ലാതെ മറ്റു മാർഗങ്ങളില്ല'', ട്രാൻസ്‌ജെൻഡർ വിഭാഗക്കാരോട് സമൂഹം കാണിക്കുന്ന അവഗണനയുടെ രഞ്ജു മോഹന്റെ ഫെയ്സ്ബൂക് പോസ്റ്റ്‌ .ജോലി സ്ഥലത്തും പഠിക്കാൻ ഉദ്ദേശിച്ച കലാലയത്തിലും ട്രാൻസ്‌ജെൻഡർ ആണ് എന്ന ഒറ്റകാരണം കൊണ്ടു പടിയിറങ്ങേണ്ടി വന്ന കഥയാണ് രഞ്ജുവിന് പറയാനുള്ളത്. ആൺശരീരത്തിൽ നിന്നും പെൺശരീരത്തിലേക്കുള്ള കൂടുമാറ്റത്തിനും ജീവിതത്തിനും ഇടയിൽ താൻ നേരിട്ട യാതനകൾ തുറന്നു പറയുകയാണ് രഞ്ജു.കൊച്ചി മെട്രോയിൽ ട്രാൻസ്‌ജെൻഡർ വിഭാഗക്കാർക്കു തൊഴിൽ നൽകുന്നു എന്ന വാർത്ത ഏറെ ആഘോഷിക്കപ്പെട്ടതാണ്. എന്നാൽ പൊതുജനം കരുതുന്ന പോലെ ഞങ്ങളെ സർക്കാർ സർവീസിൽ എടുക്കുകയല്ല ചെയ്തത്. കൊച്ചി മെട്രോയുടെ നടത്തിപ്പു ജോലികൾക്ക് കരാർ എടുത്തിരുന്ന ഫെസിലിറ്റി മാനേജ്‌മെന്റ് കമ്പനിയുടെ കീഴിലെ സ്റ്റാഫുകൾ മാത്രമായിരുന്നു ഞങ്ങൾ. 10000 രൂപയായിരുന്നു ശമ്പളം. ഒരിക്കൽ സിസ്റ്റം ഡൗൺ ആയതിനെ തുടർന്ന് ടിക്കറ്റിങ്ങിൽ എറർ വന്നതിന് മാനേജ്‌മെന്റ് രഞ്ജുവിനെ ജോലിയിൽ നിന്നു പിരിച്ചു വിട്ടു.നിരപരാധിത്വം തെളിയിച്ചു വീണ്ടും ജോലിക്ക് കയറിയെങ്കിലും ലൈംഗികത്തൊഴിലാളിയാണ് എന്ന സമീപനത്തോടെ ജോലിയിൽ നിന്നും വീണ്ടും പുറത്താക്കപ്പെട്ടു .ബിഎസ്‌സി ജ്യോഗ്രഫി ബിരുദധാരിയാണ് മഞ്ജു. സർക്കാർ ഞങ്ങളുടെ വിഭാഗക്കാർക്ക് നൽകിയിരിക്കുന്ന വാഗ്ദാനങ്ങൾ നിറവേറ്റിയാൽ ഞങ്ങൾക്കു മാന്യമായി ജീവിക്കാനാകും എന്നും രഞ്ചു പറയുന്നു.സാമൂഹ്യനീതി വകുപ്പിനു കീഴിൽ ട്രാൻസ്‌െജൻഡർ വിഭാഗക്കാർക്ക് സംരംഭങ്ങൾ തുടങ്ങാനായി ലോൺ അനുവദിക്കുന്നുണ്ട്. ഇതിന്റെ ഭാഗമായി ജന്മനാടായ കോട്ടയത്ത് മറ്റു അഞ്ച് ട്രാൻസ്‌ജെൻഡർ സുഹൃത്തുക്കളുമായി ചേർന്ന് ഒരു ഹോട്ടൽ തുടങ്ങാനുള്ള തീരുമാനത്തിലാണ് രഞ്ജു.
ശരീരം വിൽക്കുകയല്ലാതെ ജീവിക്കാൻ വേറെ മാർഗമില്ല എന്നു പോസ്റ്റ് ഇട്ട നിമിഷം എന്നെ സഹായിക്കാൻ നിരവധിപേർ മുന്നോട്ട് വന്നെന്നും രഞ്ചു പറയുന്നു

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

ranju mohan transgender facebook post goes viral.