ലോകത്തിലെ ഏറ്റവും വലിയ ഒട്ടകമേള അടുത്ത മാസം പുഷ്കറിൽ

ലോകത്തിലെ ഏറ്റവും വലിയ ഒട്ടകമേളയായ പുഷ്ക്കർ മേളയെ വരവേൽക്കാനൊരുങ്ങുകയാണ് രാജസ്ഥാൻ. എല്ലാവര്‍ഷവും രാജസ്ഥാനിലെ അജ്‌മീർ ജില്ലയിലെ പുഷ്ക്കർ പട്ടണത്തില്‍ നടക്കുന്ന ആഘോഷമാണ് പുഷ്ക്കർ മേള . ഇന്ത്യാക്കാരെയും വിദേശികളെയും സംബന്ധിച്ചിടത്തോളം ഒട്ടകങ്ങളാണ് മേളയിലെ പ്രധാന ആകര്‍ഷണം.ഒട്ടകപ്രദര്‍ശനത്തോടൊപ്പം വളര്‍ത്തുമൃഗങ്ങളുടെയും ഗ്രാമീണ ഉല്‍പന്നങ്ങളുടെയും ആഘോഷച്ചന്തയാണ് പുഷ്‌കര്‍ ഉല്‍സവം.മീശമല്‍സരം മുതല്‍ ക്രിക്കറ്റ് മാച്ച് വരെ നീളുന്ന ആഘോഷങ്ങളിൽ വിദേശികളെ കൂടി പങ്കെടുപ്പിച്ചുകൊണ്ടുള്ള വടം വലി മത്സരം.ഹാൽഫ്‌ മാരത്തോൺ ,ക്വാഡ് ബൈക്കിംഗ് എന്നിവ മറ്റ് പ്രത്യേകതകളാണ്.സ്ത്രീകളുടെ മേള കൂടിയാണ് രാജസ്ഥാനിലെ പുഷ്ക്കർ മേള .പരമ്പരാഗത ആഭരണങ്ങളും കരകൗശല വസ്തുക്കളും സ്വന്തമാക്കാന്‍ സ്ത്രീകളുടെ വൻ തിരക്കാണ് .തടാകത്തിനരികിൽ എയർ കണ്ടീഷൻ ടെന്റുകളിലായി ഒരുക്കിയിട്ടുള്ള താമസം സഞ്ചാരികൾക്ക് നൽകുന്നത്.വ്യത്യസ്ത അനുഭവമാണ്. പുഷ്ക്കർ തടാകം, ചരിത്രപ്രധാനമായ കോട്ടകളും കൊട്ടാരങ്ങളും വിനോദസഞ്ചാരികളെ ആകർഷിക്കുന്ന പ്രധാന കേന്ദ്രങ്ങളാണ്. ലോകത്തിന്റെ വിവിധ ഭാഗങ്ങളില്‍ നിന്ന് ധാരാളം പേർ എത്തുന്ന പുഷ്ക്കർ മേള രാജസ്ഥാൻ ടൂറിസത്തിന്റെ പ്രധാന ആകർഷണമാണ് . ഈ വർഷത്തെ പുഷ്ക്കർ മേള നവമ്പർ 15 നു തുടങ്ങി 23 നു അവസാനിക്കും.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

The world's largest camel festival will begin in Pushkar next month.