വെള്ളത്തിലും കരയിലും സഞ്ചരിക്കുന്ന വിമാനവുമായി ചൈന


സാങ്കേതികവിദ്യയിൽ ലോകത്തെ വീണ്ടും അമ്പരിപ്പിച്ചുകൊണ്ട് വെള്ളത്തിലും കരയിലും സഞ്ചരിക്കുന്ന ഏറ്റവും വലിയ വിമാനവുമായി ചൈന

വെള്ളത്തിലും കരയിലും സഞ്ചരിക്കാൻ കഴിയുന്ന എ ജി 600 എന്ന ഭീമന്‍ വിമാനത്തിന്റെ പരിശീലനപ്പറക്കല്‍ വിജയകരമായി പൂര്‍ത്തിയാക്കിയിരിക്കുകയാണ്
ചൈന.ചൈനീസ് വിമാനനിര്‍മ്മാണ കമ്പനിയായ ഏവിയേഷന്‍ ഇന്‍ഡസ്ട്രി കോര്‍പ്പറേഷനാണ് കുംഗ്‌ലോംഗ് എന്ന പേരിലറിയപ്പെടുന്ന വിമാനം നിര്‍മ്മിച്ചിരിക്കുന്നത്. വിമാനത്താവളത്തില്‍ നിന്നും പറന്നുയര്‍ന്ന വിമാനം ഹുബെയ് പ്രവിശ്യയിലെ ജിംഗ്മെനിലെ തടാകത്തിലാണ് പറന്നിറങ്ങിയത്. ചൈനയുടെ 'വലിയ വിമാനങ്ങളുടെ ' ശേഖരത്തിലെ മൂന്നാമത്തെ അംഗമാണ് കുംഗ്‌ലോംഗ്.കഴിഞ്ഞമാസമാണ് അവസാനവട്ട പരിശോധനകളും കഴിഞ്ഞു വിമാനം പറക്കലിനായി തയ്യാറെടുത്തത്.കുംഗ്‌ലോംഗിനെ നയിക്കാനായി നാല് ജീവനക്കാരാണുള്ളത്.12 മണിക്കൂര്‍ തുടര്‍ച്ചയായി പ്രവര്‍ത്തിക്കുന്ന നാല് എന്‍ജിനുകളളുള്ള വിമാനത്തിന് 145 കിമീ വരെ വേഗത്തില്‍ വെള്ളത്തില്‍ സഞ്ചരിക്കാന്‍ കഴിയും.കടലിലെ രക്ഷാപ്രവര്‍ത്തനം, കാട്ടുതീ, സമുദ്രനിരീക്ഷണം തുടങ്ങിയ ആവശ്യങ്ങള്‍ക്കായാണ് ഇത് ഉപയോഗിക്കപ്പെടുക.ചൈനീസ് ഏവിയേഷൻ ഇൻഡസ്ട്രിയുടെ മറ്റൊരു സുപ്രധാന നേട്ടമാണിതെന്ന് വിമാനത്തിന്റെ വിജയകരമായ പരിശീലന പാറക്കലിനുശേഷം ചൈനീസ് പ്രസിഡന്റ് ഷി ജിൻപിങ് പറഞ്ഞു .

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

AG600, China-made world's largest seaplane.