600 കാറുകള്‍ ജീവനക്കാര്‍ക്ക് ; പതിവ് തെറ്റിക്കാതെ ധൊലാക്കിയ

ഇത്തവണ ദീപാവലിക്ക് 600 കാറുകളാണ് ജീവനക്കാര്‍ക്ക് സമ്മാനിച്ചത്

പതിവ് തെറ്റിക്കാതെ വജ്രവ്യാപാരി സാവ്ജി ധൊലാക്കിയ; ഇത്തവണ ദീപാവലിക്ക് 600 കാറുകളാണ് ജീവനക്കാര്‍ക്ക് സമ്മാനിച്ചത് . ജീവനക്കാർക്കായി ദീപാവലിക്ക് വമ്പൻസമ്മാനങ്ങൾ ഒരുക്കി വാർത്ത സൃഷ്ടിക്കുന്ന സൂററ്റിലെ വജ്രവ്യാപാരി സാവ്ജി ധൊലാക്കിയ 600 കാറുകളാണ് ഹരികൃഷ്ണ എക്സ്‌പോർട്‌സ് ജീവനക്കാർക്ക് സമ്മാനിച്ചത്. കാർ വേണ്ടാത്തവർക്ക് ബാങ്കിൽ സ്ഥിരനിക്ഷേപത്തിന്റെ രേഖകളും നൽകി.മികച്ച പ്രകടനം കാഴ്ചവെച്ച 1700 ജീവനക്കാരെയാണ് വമ്പൻ സമ്മാനങ്ങൾക്കായി തിരഞ്ഞെടുത്തത്. ഇവരിൽ നാലുപേർക്ക് ഡൽഹിയിൽ പ്രധാനമന്ത്രി നരേന്ദ്ര മോദിയാണ് വ്യാഴാഴ്ച കാറുകളുടെ താക്കോൽ കൈമാറിയത്. അദ്ദേഹം വീഡിയോ കോൺഫറൻസിലൂടെ ഹരേകൃഷ്ണയിലെ ജീവനക്കാരോട് സംസാരിക്കുകയും ചെയ്തു.
ക്വിഡ്, സെലേറിയോ കാറുകളാണ് ജീവനക്കാര്‍ക്ക് സവ്ജി ധൊലാക്കിയ നല്‍കിയത് .4.48 ലക്ഷം, 5.38 ലക്ഷം രൂപ വീതമാണ് ഇവയുടെ വില. 50 കോടി രൂപയാണ് ഈ ദീപാവലിക്കാലത്ത് ജീവനക്കാർക്കായി ധൊലാക്കിയ മാറ്റിവെച്ചത്. മുൻ വർഷങ്ങളിലും ഇദ്ദേഹം കാറുകളും ഫ്ളാറ്റുകളും സമ്മാനമായി നൽകിയിരുന്നു. 5500 ജീവനക്കാരാണ് സ്ഥാപനത്തിലുള്ളത്. മക്കളെ ജീവിതം പഠിപ്പിക്കാനായി കേരളത്തിലെയും മറ്റും ഹോട്ടലുകളിൽ തുച്ഛവേതനത്തിന് ജോലി ചെയ്യിക്കാനായി അയച്ച സംഭവവും സാവ്ജി ധൊലാക്കിയയുടെ പരീക്ഷണങ്ങളിൽ പെടുന്നു.
മാനേജ്‌മെന്റ് വിഭാഗത്തിലുള്ള ഉയർന്ന ഉദ്യോഗസ്ഥർക്ക് മെഴ്‌സിഡസ്‌ ബെൻസുകൾ നേരത്തേ നൽകിയിരുന്നു.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Gujarat diamond baron Savji Dholakiya to gift 600 cars to this Diwali.