ഒ.ടി.പി. പോലും വരില്ല ! ഓണ്‍ലൈന്‍ തട്ടിപ്പ് കേരളത്തില്‍


ആരാണ് ഇടപാട് നടത്തിയതെന്നതിനെക്കുറിച്ചുള്ള വിവരങ്ങൾ ഓൺലൈൻ വ്യാപാരികളിൽനിന്ന് ലഭിച്ചിട്ടില്ല


ബാങ്ക് അക്കൗണ്ട് ഉടമയറിയാതെ ഒാൺലൈൻ വ്യാപാര സൈറ്റുകളിൽനിന്ന് സാധനങ്ങൾ വാങ്ങി പണം തട്ടിപ്പ്; സംഭവം മറ്റെങ്ങുമല്ല കണ്ണൂരിലാണ് .ഒറ്റത്തവണ പാസ്‌വേഡ്(ഒ.ടി.പി.) പോലുമില്ലാതെ നടന്ന ഇടപാടുകളിൽ നിരവധിപേരുടെ അക്കൗണ്ടുകളിൽനിന്ന് പണം പോയി. ഒരുമാസത്തിനിടെ കണ്ണൂരിൽ മാത്രം 15 പേർക്ക് പണം നഷ്ടമായതായാണ് പരാതി. ഒ.ടി.പി. ഉപയോഗിക്കാതെയാണ് തട്ടിപ്പ് നടത്തിയതെന്നതിനാൽ പണം പോയവിവരം അറിയാത്തവരും ഏറെയുണ്ട്. സംസ്ഥാനത്താകെ 150-ലേറെ പേർക്ക് പണം നഷ്ടമായിട്ടുണ്ടെന്നാണ് കണക്ക്.
രണ്ടായിരത്തിൽ താഴെവരുന്ന തുകയ്ക്കുള്ള സാധനങ്ങളാണ് വാങ്ങിയിട്ടുള്ളത്. സ്‌റ്റേറ്റ് ബാങ്ക് ഓഫ് ഇന്ത്യയുടെ അക്കൗണ്ടിൽനിന്നാണ് പണം ഏറെയും നഷ്ടമായിട്ടുള്ളത്. ചെറുകുന്നിലെ ഒരു വിദ്യാർഥിയുടെ സ്‌കോളർഷിപ്പ് തുക പൂർണമായും നഷ്ടമായി. 25,000 രൂപ ഇവർക്ക് പലതവണയായി സ്‌കോളർഷിപ്പ് ലഭിച്ചിരുന്നു. ചാല സ്വദേശിക്ക് 15,000 രൂപയാണ് നഷ്ടമായത്. ഇവർക്കൊന്നും മൊബൈലിൽ ഒരു സന്ദേശം പോലും വന്നിട്ടില്ല. നെറ്റ് ബാങ്കിങ്, മൊബൈൽ ബാങ്കിങ് എന്നിവയൊന്നും ഉപയോഗിക്കാത്തവരാണ് തട്ടിപ്പിനിരയായതിലേറെയും.
പരാതിലഭിച്ചാൽ മാത്രമേ വിവരങ്ങൾ ഇങ്ങനെ കൈമാറാനാവുകയുള്ളൂ. ഇപ്പോൾ നടന്ന തട്ടിപ്പുകൾ ഇടപാടുകാരറിയുന്നത് വൈകിയാണെന്നതാണ് പ്രശ്‌നം. അതിനാൽ, ഇടപാടുകൾ തടയാനായിട്ടില്ല.തട്ടിപ്പ് നടന്നതിലേറെയും സമാന സീരീസുകളിലുള്ള എ.ടി.എം. കാർഡുടമകളുടെതാണ്. സുരക്ഷാക്രമീകരണങ്ങൾ ഉറപ്പുവരുത്തിയിട്ടുണ്ടെന്ന് ബാങ്ക് പ്രതിനിധികളും പോലീസിനെ അറിയിച്ചിട്ടുണ്ട്.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

online shopping fraud kerala.