നമ്മള്‍ പുന്‍സാരി ഗ്രാമത്തെ കണ്ട് പഠിക്കണം



ഗുജറാത്തിലെ അഹമ്മദാബാദില്‍ പുന്‍സാരി ഗ്രാമം ഇന്ത്യയിലെ മാതൃകാ ഗ്രാമമാണ്

ഇ.ഭരണം, സ്മാര്‍ട്ട് സ്‌കൂള്‍, സമ്പൂര്‍ണ്ണ വൈ ഫൈ, ശുചിത്വം, എല്ലാ വീടുകളിലും ശുചിത്വ മുറി, ചാണകത്തില്‍ നിന്നും ഊര്‍ജ്ജം സംഭരിച്ച് തെരുവ് വിളക്കുകള്‍, ഗ്രാമീണരുടെ കംപ്യൂട്ടര്‍ ജ്ഞാനം, സി.സി.ടി.വി. ഇതൊക്കെയാണ് ഈ ഗ്രാമതത്തിന്റെ പ്രത്യേകത . എല്ലാം മാതൃകാപരമായി നടപ്പിലാക്കിയത് നേരില്‍ മനസിലാക്കാന്‍ 33 രാഷ്ട്രങ്ങളിലെ നയതന്ത്രജ്ഞരാണ് ഈയിടെ ഗ്രാമത്തിലെത്തിയത്. 'ദാരിദ്യരേഖക്ക് താഴെയുള്ള 328 കുടുംബങ്ങളുണ്ടിവിടെ. അവരെ ദാരിദ്ര്യ രേഖക്ക് മുകളിലേക്ക് ഉയര്‍ത്തുക എന്ന ലക്ഷ്യത്തിലേക്ക് തങ്ങള്‍ ചുവട് വെക്കുകയാണെന്ന് ഈ പദ്ധതിയുടെ കപ്പിത്താനും, പുന്‍സാരി പഞ്ചായത്ത് പ്രസിണ്ടന്റുമായ ഹിമനാംശു പട്ടേല്‍ പറഞ്ഞു.പുന്‍സാരി ഗ്രാമത്തിലെ പോലീസ് സ്റ്റേഷനില്‍ 2012 ന് ശേഷം സത്രീ അതിക്രമങ്ങളോ കൊലപാതകങ്ങളോ റിപ്പോര്‍ട്ട് ചെയ്യപ്പെട്ടിട്ടില്ല. അപകടങ്ങളും ചെറിയ മോഷണങ്ങളും മാത്രമാ ണ് റിപ്പോര്‍ട്ട് ചെയ്യപ്പെട്ടത് എന്നതും ഏറെ ശ്രദ്ധിക്കപ്പെട്ട വസ്തുതയായിരുന്നു. എല്ലാ പഞ്ചായത്ത് സേവനങ്ങളും ഓണ്‍ലൈന്‍, സമ്പൂര്‍ണ്ണ വൈ ഫൈ, സാമൂഹ്യ മാധ്യമ ഇടപെടല്‍, പുതിയ കാര്‍ഷിക നിലവാരമറിയല്‍, സാങ്കേതിക ജ്ഞാനം നേടല്‍ എന്നിവയില്‍ ഗ്രാമീണരുടെ മികവ് കണ്ടാല്‍ അത്ഭുതപ്പെടും.കാര്‍ഷിക ഗ്രാമമായ പുന്‍സാരിയില്‍ ചാണകമടക്കമുള്ള ജൈവ മാലിന്യങ്ങള്‍ സംസ്‌കരിച്ച് വളവും ഊര്‍ജവും ആക്കി മാറ്റുന്നു.
ഒരിക്കലെങ്കിലും ഈ ഗ്രാമം സന്ദര്‍ശിച്ച് സല്‍ഭരണത്തിന്റെ നന്മകള്‍ കണ്ടറിയുക തന്നെ വേണം.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

punsari village gujarat; model village in india.