എട്ടു വയസ്സുകാരിയുടെ ജീവനെടുത്ത രോഗം ഇതാണ്

രോഗിക്ക് ജന്മനാ ഉണ്ടായിരുന്ന ഡയഫ്രമാറ്റിക് ഹെര്‍ണിയ ആണ് മരണ കാരണം


സ്വകാര്യ ആശുപത്രിയിൽ എട്ടു വയസ്സുകാരിയുടെ മരണത്തെ തുടര്‍ന്ന് അമ്മ ഡോക്ടറെ ചോദ്യം ചെയ്യുന്ന വിഡിയോ സമൂഹമാധ്യമങ്ങൾ ഏറ്റെടുത്തിരുന്നു. കുട്ടിയുടെ ചികിത്സയില്‍ യഥാര്‍ത്ഥത്തില്‍ സംഭവിച്ചതെന്താണ് .രോഗിക്ക് ജന്മനാ ഉണ്ടായിരുന്ന Diaphramatic Hernia യുടെ ഫലമായി ആന്തരികാവയവങ്ങളുടെ അസാധാരണമായ തള്ളിക്കയറ്റം ഹൃദയഭാഗത്തേക്കുണ്ടാകുകയും തത്ഫലമായി പെട്ടെന്ന് Cardiac Arrest ഉണ്ടായി രോഗി മരണപ്പെടുകയും ചെയ്തു' എന്നാണ് 'പോസ്റ്റ്മോർട്ടം റിപ്പോർട്ടിൽ വളരെ വിശദമായി വ്യക്തമാക്കിയിരിക്കുന്ന രോഗിയുടെ മരണകാരണം : എന്താണ് ഈ അസുഖം .നെഞ്ചിന്റെയും വയറിന്റെയും ഇടയ്ക്ക് അവയെ തമ്മിൽ വേർതിരിക്കുന്ന ഒരു മസ്കുലർ ഭിത്തിയാണ് ഡയഫ്രം. അന്നനാളവും രക്തക്കുഴലുകളുമൊക്കെ കടന്നുപോവാനുള്ള ദ്വാരങ്ങളല്ലാതെ മറ്റിടങ്ങളിൽ വിടവുകൾ വരാറില്ല സാധാരണ. അങ്ങനെ വരുന്ന അവസരങ്ങളിൽ താഴെയുള്ള കുടലും കരളും മറ്റ് ആന്തരികാവയവങ്ങളും മുകളിലേക്ക് കയറാൻ ഇടവരുന്നു.തൽ ഫലമായി ഹൃദയത്തിനും ശ്വാസകോശത്തിനും ഇരിക്കാനുള്ള സ്ഥലം നഷ്ടപ്പെടുന്നു. എത്ര വലുതാണ് വിടവെന്നും എത്ര ഗുരുതരമാണു സ്ഥിതി എന്നതുമനുസരിച്ച് ശ്വാസകോശവും ഹൃദയവും മറുവശത്തേക്ക് നീങ്ങുന്ന അവസ്ഥയും ഉണ്ടാവാം.
അതനുസരിച്ച് ലക്ഷണങ്ങളും വ്യത്യാസപ്പെട്ടേക്കാം.വയറ്റിൽ വേദന ഒരു ലക്ഷണം മാത്രമാണ്. കാരണങ്ങൾ പലതാവാം. ഒന്നോ രണ്ടോ അല്ല കാരണങ്ങൾ.വേദനയുടെ കാരണം കണ്ടെത്തി കൃത്യമായ ചികിൽസ നൽകിയില്ലെങ്കിൽ മരണം വരെ സംഭവിക്കാമെന്നത് മറച്ചുവയ്ക്കാറുമില്ല.നിസ്സരമാക്കരുത് ഇത്തരം പ്രശ്നങ്ങള്‍; വേദന സംഹാരി ചോദിച്ചു വാങ്ങുന്നതിന് പകരം ഡോക്ടര്‍ നിര്‍ദേശിക്കുന്ന പരിശോധന ചെയ്യുക



Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

diaphramatic hernia.