കഴിക്കരുത് ഇങ്ങനെ! ഇതൊക്കെ വിരുദ്ധാഹാരങ്ങള്‍




കടുകെണ്ണയില്‍ കൂണ്‍ പാകപ്പെടുത്തി കഴിക്കുന്നതും വിരുദ്ധമാണ്‌


പണ്ടുകാലത്ത്‌ ശത്രുക്കളെ വകവരുത്തുന്നതിനായി ഭക്ഷണത്തില്‍ വിഷം ചേര്‍ത്ത്‌ നല്‍കുന്ന രീതി ഉണ്ടായിരുന്നതായി ചരിത്രം സാക്ഷ്യപ്പെടുത്തുന്നു.അതിനായി ഒരു വിഷപദാര്‍ഥം ഒറ്റയ്‌ക്കോ, പല വിഷപദാര്‍ഥങ്ങള്‍ കൂട്ടിച്ചേര്‍ത്തോ ഉണ്ടാക്കുന്ന ‘ഗരം’ എന്നറിയപ്പെടുന്ന കൂട്ടുവിഷമോ ആണ്‌ അവര്‍ ഉപയോഗിച്ചിരുന്നത്‌.വിഷമോ, കൂട്ടുവിഷമോ ശരീരത്തിനുള്ളില്‍ എത്താനിടയായാല്‍ അത്‌ മരണത്തിനും മാരകരോഗങ്ങ ള്‍ക്കുമൊക്കെ കാരണമാകും. വിരുദ്ധാഹാരങ്ങള്‍ ഇതേ ഫലങ്ങള്‍തന്നെയാണ്‌ മനുഷ്യശരീരത്തില്‍ സൃഷ്‌ടിക്കുന്നത്‌.
ആഹാരപദാര്‍ഥങ്ങളില്‍ ചിലത്‌ തമ്മില്‍ ചേരുന്നതുകൊണ്ടും, ചിലത്‌ പാചകം ചെയ്യുന്നതിലെ വ്യത്യാസം കൊണ്ടുമാണ്‌ വിരുദ്ധാഹാരമായി മാറുന്നത്‌.
മൃഗങ്ങളുടെയും പക്ഷികളുടെയും മാംസം, മത്സ്യം എന്നിവ ഉഴുന്ന്‌, പാല്‍, തേന്‍, സസ്യങ്ങളുടെ തളിര്‌, താമരക്കിഴങ്ങ്‌, മുള്ളങ്കി, ശര്‍ക്കര എന്നിവയോട്‌ കൂട്ടിച്ചേര്‍ത്താല്‍ വിരുദ്ധാഹാരമായിത്തീരുമെന്ന്‌ ആയുര്‍വേദം പറയുന്നു.പുളിരസമുള്ള ആഹാരസാധനങ്ങള്‍ പാലിനോട്‌ ചേര്‍ന്നാല്‍ അത്‌ വിരുദ്ധാഹാരമാകും. പാല്‍ ഉപയോഗിച്ച ഉടനെ അമ്ലരസമുള്ള പഴങ്ങള്‍ ഉപയോഗിക്കരുത്‌. മുതിര, തിന, ചിലയിനം പയറുകള്‍ ഇവയെല്ലാം പാലിനോട്‌ കൂടിച്ചേര്‍ന്നാല്‍ വിരുദ്ധമാകും.ഉഴുന്നുപരിപ്പ്‌ ശര്‍ക്കര, പാല്‍, തേന്‍, നെയ്യ്‌, തൈര്‌ ഇവയില്‍ ഒന്നിനോടും ചേര്‍ന്ന്‌ അയനിപ്പഴം (ആനിക്ക) ഉപയോഗിക്കരുത്‌. മോര്‌, തൈര്‌, എന്നിവയോട്‌ കൂടി വാഴപ്പഴവും ഉപയോഗിക്കുന്നത്‌ ഒഴിവാക്കണം.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

worst food combination.