ധോണിയും ഗംഭീറും ബി ജെ പി സ്ഥാനാര്‍ഥികളാകുന്നു?

ഇരുവരും അടുത്ത ലോക്‌സഭ തെരഞ്ഞെടുപ്പില്‍ ബിജെപി ടിക്കറ്റില്‍ മത്സരിച്ചേക്കുമെന്ന് റിപ്പോര്‍ട്ട്



ക്രിക്കറ്റ് താരങ്ങളായ എംഎസ് ധോണിയും ഗൗതം ഗംഭീറും അടുത്ത ലോക്‌സഭ തെരഞ്ഞെടുപ്പില്‍ ബിജെപി ടിക്കറ്റില്‍ മത്സരിച്ചേക്കുമെന്ന് റിപ്പോര്‍ട്ട്ധോണി ജാര്‍ഖണ്ഡില്‍ നിന്നും ഗംഭീര്‍ ഡല്‍ഹിയില്‍ നിന്നുമാണ് മത്സരിക്കുക. ദ സണ്‍ഡേ ഗാര്‍ഡിയന്‍ റിപ്പോര്‍ട്ട് ചെയ്തു.മുതിര്‍ന്ന ബിജെപി നേതാവ് മീനാക്ഷി ലേഖിക്ക് പകരമാകുമത്രെ ഗംഭീറിന് സീറ്റ് നല്‍കുക. മീനാക്ഷി ലേഖിയുടെ പ്രവര്‍ത്തനങ്ങളില്‍ പാര്‍ട്ടി സംതൃപ്തരല്ല. എന്നാല്‍ ഗംഭീറിന്റെ സാമൂഹ്യസേവനങ്ങള്‍ക്ക് മികച്ച ജനപിന്തുണയുണ്ടെന്നും ഡല്‍ഹി നിവാസികള്‍ക്കായി ഒട്ടേറെ കാര്യങ്ങള്‍ ചെയ്യാന്‍ മുന്‍ ഇന്ത്യന്‍ താരത്തിനാകുമെന്നും മുതിര്‍ന്ന ബിജെപി നേതാവ് പറഞ്ഞതായും റിപ്പോര്‍ട്ടിലുണ്ട്. മുന്‍ ഇന്ത്യന്‍ നായകനായ ധോണിയുമായി ബിജെപി ചര്‍ച്ചകള്‍ നടത്തുന്നതായാണ് പത്രം റിപ്പോര്‍ട്ട് ചെയ്യുന്നത്.
എന്നാല്‍ വിരമിക്കാത്ത ഇരു താരങ്ങളും ഇപ്പോള്‍ ക്രിക്കറ്റില്‍ സജീവമാണ്. വിന്‍ഡീസിനെതിരായ പരമ്പരയില്‍ ഇന്ത്യക്കായി കളിക്കുന്നുണ്ട് ധോണി.
അതേസമയം 2016ന് ശേഷം ഇന്ത്യന്‍ ജെഴ്‌സിയില്‍ കളിക്കാന്‍ അവസരം ലഭിക്കാത്ത ഗംഭീര്‍ അഭ്യന്തര ക്രിക്കറ്റില്‍ മികച്ച ഫോമിലാണ്. സാമൂഹ്യസേവന രംഗത്ത് ഗൗതം ഗംഭീര്‍ ഫൗണ്ടേഷന്‍ എന്ന എന്‍ജിഒയിലൂടെ ഇടപെടുന്നുണ്ട് മുന്‍ ഇന്ത്യന്‍ ഓപ്പണര്‍

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Dhoni, Gambhir Likely to Contest 2019 Polls on BJP Ticket: Report.