ഫോര്‍ഡ് കാറുകള്‍ക്ക് എഞ്ചിന്‍ മഹീന്ദ്ര വക




ഫോര്‍ഡ് കാറുകള്‍ക്ക് പെട്രോള്‍ എഞ്ചിന്‍ നിര്‍മ്മിക്കാനുള്ള ചുമതല ഇനി മുതല്‍ മഹീന്ദ്രയ്ക്കാണ്



ഇതുസംബന്ധിച്ച നിര്‍ണ്ണായക കരാറില്‍ ഇരു കമ്പനികളും ഒപ്പുവെച്ചു. കഴിഞ്ഞവര്‍ഷം സെപ്തംബറിലാണ് ഇന്ത്യയില്‍ യോജിച്ചു പ്രവര്‍ത്തിക്കാന്‍ മഹീന്ദ്രയും ഫോര്‍ഡും തീരുമാനമെടുത്തത്.
2018 മാര്‍ച്ചില്‍ ഇരു കമ്പനികളും വിവിധ തലങ്ങളില്‍ സഹകരിച്ചു മുന്നേറുമെന്നു ഔദ്യോഗിക പ്രഖ്യാപനമുണ്ടായി. കൂട്ടുകെട്ടിന്റെ ഭാഗമായി ഭാരത് സ്‌റ്റേജ് VI നിര്‍ദ്ദേശങ്ങള്‍ പാലിക്കുന്ന പെട്രോള്‍ എഞ്ചിനുകള്‍ ഫോര്‍ഡിന് മഹീന്ദ്ര നിര്‍മ്മിച്ചു നല്‍കാനാണ് പുതിയ ധാരണ.ഇതിനുപുറമെ വാഹന സാങ്കേതികവിദ്യ തമ്മില്‍ കൈമാറാനും ഇരു കമ്പനികളും തീരുമാനിച്ചു.
നിലവില്‍ ഫോര്‍ഡ് നിര്‍മ്മിക്കുന്ന ഡീസല്‍ എഞ്ചിനുകള്‍ക്ക് വിപണിയില്‍ പ്രചാരമേറെയാണ്. ഫോര്‍ഡിന്റെ പെട്രോള്‍ എഞ്ചിനുകള്‍ക്കും ആരാധകരേറെയുണ്ട്.
പ്രവര്‍ത്തനമികവു മുന്‍നിര്‍ത്തി കമ്പനി ഉപയോഗിക്കുന്ന 1.0 ലിറ്റര്‍ ഇക്കോബൂസ്റ്റ് എഞ്ചിന് ഇതിനോടകം നിരവധി പുരസ്‌കാരങ്ങള്‍ ലഭിച്ചുകഴിഞ്ഞു. കുറഞ്ഞ ശേഷിയുള്ള പെട്രോള്‍ എഞ്ചിനുകള്‍ക്കു മാത്രമാണ് ഫോര്‍ഡ് മഹീന്ദ്രയെ ആശ്രയിക്കുക .ഇരു കമ്പനികളും ഉടൻതന്നെ വൈദ്യുത വാഹന ശ്രേണിയില്‍ ഒരുമിച്ചു കൈകോര്‍ക്കാനും ആലോചിക്കുന്നുണ്ട്.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

MAHINDRA ENGINE FOR FORD CARS.