വൈവിധ്യം സമന്വയിക്കുന്ന ഫുക്കറ്റ്





തായ്‌ലൻഡിലെ ഏറ്റവും വലിയ ദ്വീപാണ് ഫുക്കറ്റ്



മനോഹര കടൽത്തീരങ്ങളും മഴക്കാടുകളും പർവതങ്ങളും വൈവിധ്യമാർന്ന സംസ്കാരവുമെല്ലാം സമന്വയിക്കുന്ന ദ്വീപ്. തായ്‌ലൻഡിന്റെ ദക്ഷിണപ്രദേശത്ത് ആൻഡമാൻ കടലിലാണ് ഫുക്കറ്റ് സ്ഥിതി ചെയ്യുന്നത്. ഇതിനോടൊപ്പം ചെറിയ 32 ദ്വീപുകളുമുണ്ട്. 48 കിലോമീറ്റർ നീളവും 21 കിലോമീറ്റർ വീതിയുമുണ്ട് ഫുക്കറ്റിന്. മുനമ്പ് (Cape) എന്നർത്ഥം വരുന്ന തലങ് എന്ന പേരിലായിരുന്നു ഫുക്കറ്റ് നേരത്തെ അറിയപ്പെട്ടിരുന്നത്.
വളരെ വർണാഭമായ ഒരു ചരിത്രവും സംസ്കാരവുമുള്ള നാടാണ് ഫുക്കറ്റ്. നൂറ്റാണ്ടുകൾക്കു മുൻപുതന്നെ ഇന്ത്യയുമായും ചൈനയുമായും വ്യാവസായിക ബന്ധങ്ങളുണ്ടായിരുന്നു. ഒരുകാലത്ത് റബർ, വെള്ളീയം (tin) എന്നിവയായിരുന്നു ദ്വീപിന്റെ പ്രധാന വരുമാന സ്രോതസ്സ്. 1990കൾക്ക് ശേഷം ടൂറിസം പച്ചപിടിച്ചതോടെ രാജ്യത്തിന്റെ മുഖഛായ തന്നെമാറി. ഇപ്പോൾ ദ്വീപിന്റെ സാമ്പത്തികവ്യവസ്ഥയെ താങ്ങി നിർത്തുന്ന രണ്ടു തൂണുകൾ റബറും ടൂറിസവുമാണ്.പശ്ചിമ ഫുക്കറ്റിലാണ് ലോകശ്രദ്ധയാകർഷിച്ച കടൽത്തീരങ്ങളുള്ളത്. പതങ് ബീച്ച്, കമല ബീച്ച്, കാരൻ ബീച്ച്, കട്ട ബീച്ച് എന്നിവയാണ് പ്രധാനികൾ.
പതങ് ആണ് പ്രധാനപ്പെട്ട കടലോര വിനോദ സഞ്ചാര കേന്ദ്രം. കേരളത്തിനോട് സാമ്യമുള്ള, വർഷത്തിലുടനീളം പൊതുവെ സൗമ്യമായ കാലാവസ്ഥയാണ് ഫുക്കറ്റിൽ.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

phuket island.