പൊതുസ്ഥലങ്ങളില്‍ കുഷ്ഠരോഗികള്‍ക്കുള്ള വിലക്ക് മാറുന്നു




രാജ്യത്ത് 2005-ൽ കുഷ്ഠരോഗം നിവാരണം ചെയ്തതായി പ്രഖ്യാപിച്ചെങ്കിലും വിലക്കുകൾ നിലവിലുണ്ടായിരുന്നു




പൊതുസ്ഥലങ്ങളും പൊതു വാഹനങ്ങളും ഉപയോഗിക്കുന്നതിനും വിദ്യാഭ്യാസ സ്ഥാപനങ്ങളിൽ പോകാനും കുഷ്ഠരോഗികൾക്കുണ്ടായിരുന്ന വിലക്കുകൾ നീങ്ങുകയാണ്
കുഷ്ഠരോഗികളോടുള്ള വിവേചനത്തിന് വഴിയൊരുക്കുന്ന സംസ്ഥാന നിയമങ്ങൾ പുനഃപരിശോധിക്കാൻ എല്ലാ സംസ്ഥാനങ്ങളോടും സുപ്രീംകോടതി ആവശ്യപ്പെട്ടിരുന്നു. ഇതേ തുടര്‍ന്ന് പൊതുജനാരോഗ്യ നിയമം അടക്കം സംസ്ഥാനത്ത് നിലവിലുള്ള മൂന്ന് നിയമങ്ങളും നാല് ചട്ടങ്ങളും ഭേദഗതി ചെയ്യാൻ നിയമപരിഷ്കരണ കമ്മിഷൻ സർക്കാരിന് നിർദേശം നല്കി.
ഇക്കാര്യത്തിൽ സ്വീകരിച്ച തുടർനടപടികൾ അറിയിക്കാൻ സുപ്രീംകോടതി സർക്കാരിനോട് ആവശ്യപ്പെട്ടിട്ടുണ്ട്. നിയമഭേദഗതി ആവശ്യമായ മൂന്നു കരടുബില്ലുകൾ നിയമസഭയുടെ പരിഗണനയ്ക്ക് വിടാനാണ് സർക്കാർ ആലോചന. ചട്ടഭേദഗതി ആവശ്യമായവ സർക്കാരിന് നേരിട്ട് ചെയ്യാനാകും.നിലവിലുള്ള രോഗസാഹചര്യവും ആധുനിക ചികിത്സാസൗകര്യവും കണക്കിലെടുത്താൽ വിവേചനത്തിന് പ്രസക്തിയില്ല. നിയമത്തിന്റെ പിൻബലത്തോടെയുള്ള ഇത്തരം വിവേചനവും അയോഗ്യതയും അവസാനിപ്പിക്കാൻ തുടർനടപടികൾക്കാവുമെന്ന് കരുതുന്നുവെന്നാണ് നിയമപരിഷ്കരണ കമ്മിഷൻ അംഗം പറയുന്നത്‌.കണക്കുകളനുസരിച്ച് രാജ്യത്ത് കുഷ്ഠരോഗം നിവാരണം ചെയ്തെങ്കിലും രോഗികളുടെ എണ്ണം കൂടുന്നതായി ആരോഗ്യവകുപ്പുതന്നെ അടുത്തിടെ വെളിപ്പെടുത്തി.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

REMOVING RESTRICTIONS FOR LEPROSY PATIENTS IN PUBLIC PLACES.