ഗോലൻ കുന്നുകളിലെ ഇസ്രയേൽ കേന്ദ്രത്തിന് ട്രംപിന്റെ പേര്


ഗോലൻ കുന്നുകളിലെ തങ്ങളുടെ പുതിയ കേന്ദ്രത്തിന് യു.എസ്. പ്രസിഡന്റ് ഡൊണാൾഡ് ട്രംപിന്റെ പേരിടുമെന്ന് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു. ഇസ്രയേലും സിറിയയുമായി തർക്കം നിലനിൽക്കുന്ന തന്ത്രപ്രധാന മേഖലയായ ഗോലൻകുന്നുകളിൽ ഇസ്രയേലിന്റെ പരമാധികാരം യു.എസ്. അംഗീകരിച്ചതിനോടുള്ള ബഹുമാനാർഥമാണിത്.ട്രംപിൻറെ തീരുമാനം ഇസ്രയേൽ ജനതയിൽ വലിയ ആഴത്തിലാണ് പതിച്ചതെന്നും അതുകൊണ്ടുതന്നെ ഗോലൻകുന്നുകളിലെ തങ്ങളുടെ പുതിയകേന്ദ്രത്തിന് ട്രംപിന്റെ പേരുനൽകാൻ തീരുമാനിച്ചുവെന്നും നെതന്യാഹു ട്വിറ്ററിൽ പറഞ്ഞു.1967-ലെ ആറുദിന യുദ്ധത്തിലാണ് സിറിയയിൽനിന്ന് ഗോലൻകുന്നുകൾ ഇസ്രയേൽ പിടിച്ചെടുത്തത്. എന്നാൽ, ഇസ്രയേലിന് കുന്നുകൾക്കുമേലുള്ള പരമാധികാരം അന്താരാഷ്ട്രസമൂഹം ഇതുവരെ അംഗീകരിച്ചിട്ടില്ല. ഇതിനു മുൻപ് ഗോലൻ കുന്നുകളെ ഇസ്രയേലിന്റെ ഭാഗമായി അംഗീകരിച്ച യു.എസ്. നടപടിയെ സൗദി അറേബ്യ തള്ളിയിരുന്നു . ഇതുസംബന്ധിച്ചുള്ള പ്രഖ്യാപനത്തിൽ യു.എസ്. പ്രസിഡന്റ് ട്രംപ് ഒപ്പുവെക്കുകയും ചെയ്തിരുന്നു .യു.എസിന്റെ പ്രഖ്യാപനം വസ്തുതകളെ ഇല്ലാതാക്കുന്നില്ലെന്ന് സൗദി ഔദ്യോഗിക വാർത്താ ഏജൻസി വ്യക്തമാക്കി. അന്താരാഷ്ട്ര ധാരണകൾ പ്രകാരം ഗോലൻ കുന്നുകൾ സിറിയയിൽനിന്ന് പിടിച്ചെടുത്ത പ്രദേശമാണ്. യു.എസ്. നടപടി പശ്ചിമേഷ്യയിലെ സമാധാനനീക്കത്തെയും മേഖലയുടെ സുരക്ഷയെയും ബാധിക്കുമെന്നും സൗദി പറഞ്ഞു.സിറിയയ്ക്കും ഇസ്രയേലിനും ഇടയിലുള്ള തന്ത്രപ്രധാനമേഖലയായ ഗോലൻ കുന്നുകൾ 1981-ലാണ് ഇസ്രയേൽ പിടിച്ചെടുത്തത്. എന്നാൽ, ഗോലൻ കുന്നുകളെ ഇസ്രയേലിന്റെ ഭാഗമായി മറ്റുരാജ്യങ്ങൾ ഇതുവരെ അംഗീകരിച്ചിട്ടില്ല.

Netanyahu Seeks to Name a Golan Heights Settlement for President Trump




Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

ഗോലൻ കുന്നുകളിലെ ഇസ്രയേൽ കേന്ദ്രത്തിന് ട്രംപിന്റെ പേര്/Golan Heights Settlement/President Trump.