#Terrorist#Face#Sreelanka ശ്രീലങ്കയിൽ പൊതുസ്ഥലത്ത് മുഖം മറയ്ക്കുന്നതിന് വിലക്ക് . പൊതുസ്ഥലങ്ങളിൽ മുഖം മറയ്ക്കുന്ന തരത്തിലുള്ള ശിരോവസ്ത്രങ്ങൾക്കു പ്രസിഡന്റ് മൈത്രിപാല സിരിസേന ഏർപ്പെടുത്തിയ വിലക്ക് ഇന്നലെ മുതൽ ശ്രീലങ്കയിൽ പ്രാബല്യത്തിലായി. ഈസ്റ്റർ ദിനത്തിൽ 253 പേർ കൊല്ലപ്പെടുകയും അഞ്ഞൂറിലേറെ പേർക്കു പരുക്കേൽക്കുകയും ചെയ്ത ചാവേർ സ്ഫോടനങ്ങളുടെ പശ്ചാത്തലത്തിലാണിത്. ദേശീയ സുരക്ഷയുടെ ഭാഗമാണിതെന്നും ആളെ തിരിച്ചറിയാനാവാത്ത വിധം മുഖം മൂടുന്നതിനാണു വിലക്കെന്നും പ്രസിഡന്റിന്റെ ഓഫിസ് അറിയിച്ചു.ദേശീയ സുരക്ഷയുമായി സഹകരിക്കണമെന്നും വീടിനു പുറത്തിറങ്ങുമ്പോൾ മുഖം മറയ്ക്കേണ്ടതില്ലെന്നും ജമാഅത്തുൽ ഉലമ വക്താവ് ഫാസിൽ ഫറൂഖ് പറഞ്ഞു.മുഖംമൂടുന്ന തരത്തിലുള്ള വസ്ത്രങ്ങളായ ബുർഖയും നിഖാബും വിലക്കുന്നതിനായി മുസ്‌ലിം പുരോഹിതരിൽനിന്നു സർക്കാർ സഹകരണം തേടിയിരുന്നു. .ഇതിനിടെ, രാജിവയ്ക്കാൻ കൂട്ടാക്കാതിരുന്ന പൊലീസ് മേധാവി പുജിത് ജയസുന്ദരയെ സസ്പെൻഡ് ചെയ്ത പ്രസിഡന്റ് ആക്ടിങ് പൊലീസ് മേധാവിയായി സീനിയർ ഡിഐജി സി.ഡി. വിക്രമരത്നയെ നിയമിച്ചു. മുൻ ഐജി എൻ.കെ. ഇളങ്കോവനെ പ്രതിരോധ മന്ത്രാലയത്തിന്റെ ഉപദേശകനായും നിയമിച്ചു. ശ്രീലങ്കയിലെ നിയമപ്രകാരം പൊലീസ് മേധാവിയെ പുറത്താക്കാൻ പാർലമെന്റിനാണ് അധികാരം. ഇതിനുള്ള നടപടിക്രമങ്ങളുടെ ഭാഗമാണു സസ്പെൻഷൻ. ഈയാഴ്ച തന്നെ ജയസുന്ദരയെ പുറത്താക്കാനുള്ള പ്രമേയം പാർലമെന്റിൽ അവതരിപ്പിക്കും.ഭീകരാക്രമണം സംബന്ധിച്ചു നിരന്തര മുന്നറിയിപ്പുകൾ ലഭിച്ചിട്ടും നടപടിയെടുക്കാതെ വീഴ്ച വരുത്തിയതിന്റെ പേരിൽ പൊലീസ് മേധാവി ജയസുന്ദരയും പ്രതിരോധ സെക്രട്ടറി ഹേമാസിരി ഫെർണാണ്ടോയും രാജിവയ്ക്കണമെന്നു സർക്കാർ ആവശ്യപ്പെട്ടിരുന്നു. എന്നാൽ, രാജിക്കു കൂട്ടാക്കാതെ ഔദ്യോഗിക വസതിയിൽ തന്നെ കഴിയുകയാണു ജയസുന്ദര. ഫെർണാണ്ടോ കഴിഞ്ഞ ദിവസം രാജിവച്ചിരുന്നു. പ്രതിരോധ മന്ത്രി കൂടി രാജിവച്ചാലേ താൻ രാജി വയ്ക്കുകയുള്ളുവെന്നാണു ജയസുന്ദരയുടെ നിലപാട്. പ്രസിഡന്റ് മൈത്രിപാല സിരിസേനയ്ക്കാണു പ്രതിരോധ വകുപ്പിന്റെ ചുമതല.

Srilanka Face Veil Ban

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

ശ്രീലങ്കയിൽ മുഖം മറയ്ക്കുന്നതിന് വിലക്ക് | Srilanka Face Veil Ban.