ബ്രഹ്മോസ് വ്യോമ പതിപ്പിന്റെ പരീക്ഷണം വീണ്ടും നടത്താനൊരുങ്ങി വ്യോമസേന . ഇന്ത്യ- റഷ്യ സംയുക്ത സംരംഭമായ ബ്രഹ്മോസ് മിസൈലിന്റെ വ്യോമ പതിപ്പിന്റെ പരീക്ഷണം വീണ്ടും നടത്താനൊരുങ്ങുന്നു. വ്യോമ സേനയാണ് പരീക്ഷണ വിക്ഷേപണം നടത്തുക. സുഖോയ് യുദ്ധവിമാനത്തില്‍ നിന്നാകും പരീക്ഷണ വിക്ഷേപണം നടത്തുക. ബാലാകോട്ട് ഭീകര കേന്ദ്രങ്ങള്‍ക്ക് നേരെ നടത്തിയ വ്യോമാക്രമണങ്ങള്‍ പോലെ ഭാവിയില്‍ നടത്തേണ്ടിവന്നാല്‍ അതിന് ഉപയോഗിക്കാനാകുമോ എന്ന് പരിശോധിക്കുന്നതിന് വേണ്ടിയാണ് വ്യോമസേന ബ്രഹ്മോസ് മിസൈല്‍ പരീക്ഷിക്കാനൊരുങ്ങുന്നത്.ഹിന്ദുസ്ഥാന്‍ എയ്‌റോനോട്ടിക്‌സ്‌ ലിമിറ്റഡ് (എച്ച്.എ.എല്‍) ബ്രഹ്മോസിനെ സുഖോയ് വിമാനത്തില്‍ ഘടിപ്പിച്ചിരുന്നു. നിലവില്‍ ഇന്ത്യയുടെ പക്കല്‍ ഉള്ള 40 സുഖോയ് 30എംകെഐ വിമാനങ്ങളില്‍ ബ്രഹ്മോസിനെ ആയുധമായി ഘടിപ്പിച്ചിക്കാനുള്ള ശ്രമങ്ങള്‍ തുടരുകയാണ്.
നേരത്തെ മിസൈലിന്റെ യുദ്ധവിമാനത്തില്‍ നിന്നുള്ള പരീക്ഷണം വിജയകരമായി നടത്തിയിരുന്നു. സുഖോയ് വിമാനങ്ങളില്‍ ബ്രഹ്മോസ് മിസൈല്‍ സജ്ജമാകുന്നതോടെ ഇന്ത്യയുടെ വ്യോമാക്രമണ ശേഷി വര്‍ധിക്കുമെന്ന് മാത്രമല്ല. ബ്രഹ്മോസിന്റെ പ്രഹരശേഷിയും വര്‍ധിക്കും. 2020 ഓടെ ബ്രഹ്മോസിനെ സുഖോയിയുമായി ബന്ധിപ്പിക്കുന്ന ശ്രമങ്ങള്‍ പൂര്‍ത്തിയാകുമെന്നാണ് കരുതുന്നത്. നിലവില്‍ രണ്ട് സുഖോയ് വിമാനങ്ങളില്‍ മാത്രമാണ് ബ്രഹ്മോസ് ഘടിപ്പിച്ചിട്ടുള്ളത്. രണ്ടര ടണ്‍ ആണ് ബ്രഹ്മോസിന്റെ വ്യോമ പകതിപ്പിന്റെ ഭാരം. അതിനാല്‍ തന്നെ മറ്റ് ആയുധങ്ങളുടെ കൂടെ ഒരു ബ്രഹ്മോസ് മിസൈലിനെ മാത്രമേ സുഖോയ്ക്ക് വഹിക്കാന്‍ സാധിക്കു.2016 മുതല്‍ നിരവധി പരീക്ഷണങ്ങള്‍ മിസൈലിനെ സുഖോയ് വിമാനത്തില്‍ ഘടിപ്പിക്കുന്നതുമായി ബന്ധപ്പെട്ട് നടന്നിരുന്നു. തുടര്‍ന്ന് കഴിഞ്ഞ വര്‍ഷം നവംബറില്‍ സുഖോയ് വിമാനത്തില്‍ നിന്ന് ബ്രഹ്മോസ് വിജയകരമായി വിക്ഷേപിക്കുകയും കൃത്യതയോടെ ലക്ഷ്യം ഭേദിക്കുകയും ചെയ്തിരുന്നു. സുഖോയ് വിമാനവുമായി മിസൈലിനെ ഘടിപ്പിക്കാന്‍ നിരവധി ആധുനിക വത്കരണം നടത്തേണ്ടതുണ്ട്. ഇതിനാലാണ് കാലതാമസം വരുന്നത്.

India To Test Air Launched Version Of BrahMos, missile

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

ബ്രഹ്മോസ് പരീക്ഷണം വീണ്ടും | Test Air Launched Version Of BrahMos | India.