#ParvathiHill#Pune#News60 ഇന്ത്യയിലെ ഏറ്റവും തിരക്കേറിയ നഗരങ്ങളിലൊന്നാണ് പൂനെ. എന്നാൽ പുണെയുടെ നിന്ന് നിൽക്കുന്ന ഇടമാണ് പാർവ്വതി ഹിൽ
ധൃതിയിൽ പോകുന്ന ജീവിതവും അതിനു പുറകേ പോകുന്ന ആളുകളും...തിരക്കൊഴിഞ്ഞ ഒരു നേരം പോലുമില്ലെങ്കിലും കാഴ്ചകളുടെയും പ്രകൃതി ദൃശ്യങ്ങളുടെയും കാര്യത്തിൽ മറ്റൊരിടത്തിനും ഈ പ്രദേശത്തെ കടത്തിവെട്ടുവാനായിട്ടില്ല. പൂനെ..മഹാരാഷ്ട്രയെന്ന വ്യാവസായിക നഗരത്തിന്റെ കേന്ദ്രമായിരിക്കുമ്പോഴും പച്ചപ്പിന് ഇടം നല്കി തലയുയർത്തി നിൽക്കുന്ന നാടാണ് പൂനെ. മുംബൈയുടെ തിരക്കുകളിൽ നിന്നും കടന്നു വരുന്നവർക്ക് പച്ചപ്പിന്റെ തണലൊരുക്കുന്ന ഇടം. കാഴ്ചകൾ ഒട്ടേറെയുണ്ടെങ്കിലും അതിൽ നിന്നെല്ലാം വ്യത്യസ്തമാണ് ഇവിടുത്തെ പാർവ്വതി ഹിൽ. പൂനെ സിറ്റിയിലെ തന്നെ ഏറ്റവും ഉയരത്തിൽ സ്ഥിതി ചെയ്യുന്ന ഇവിടം പൂനെ കാഴ്ചകളിൽ മറക്കുവാൻ പാടില്ലാത്ത ഒന്നാണ്. പാർവ്വതി ഹില്ലിന്റെ വിശേഷങ്ങളും പ്രത്യേകതകളും വായിക്കാം...
പൂനെയിലെ ഏറ്റവും മനോഹരമായ ഇടമേതാണ് എന്നു ചോദിച്ചാൽ ഒട്ടും സംശയമില്ലാതെ തന്നെ പറയുവാൻ പറ്റുന്ന ഇടമാണ് പാർവ്വതി ഹിൽ.
സമുദ്ര നിരപ്പിൽ നിന്നും 640 മീറ്റർ ഉയരത്തിൽ സ്ഥിതി ചെയ്യുന്ന ഈ കുന്നിന്റെ മറ്റൊരു ആകർഷണം ഇവിടുത്തെ ക്ഷേത്രമാണ്. നഗരത്തിലെ ഏറ്റവും പഴക്കമേറിയ സ്മാരകങ്ങളിലൊന്നായാണ് പാർവ്വതി ക്ഷേത്രത്തെ കണക്കാക്കുന്നത്.പാർവ്വതി ഹില്ലിൻറെ കഥകൾ നൂറ്റാണ്ടുകൾക്കു മുൻപേയുള്ളതാണ്. തവരെ എന്നു പേരായ ഒരു പാട്ടീലിന്റെ കൈവശമായിരുന്നുവത്രെ ഈ കുന്നിൻ പ്രദേശം ഉണ്ടായിരുന്നത്. ഇവിടെ ക്ഷേത്രം പണിയുക എന്ന ഉദ്ദേശത്തിൽ പെഷവാ ഇവിടം വിലകൊടുത്തു വാങ്ങി ഇവിടെ ക്ഷേത്രം നിർമ്മിക്കുകയായിരുന്നു. ഒരിക്കൽ ഇവിടുത്തെ ദേവിയോട് പ്രാർഥിച്ചതിന്‍റെ ഫലമായി പെഷവായുടെ അമ്മയുടെ അസുഖം മാറി.
അന്നു മുതൽ അദ്ദേഹം ഈ ക്ഷേത്രത്തിലെ നിത്യ സന്ദർശകനായി മാറി.
പാർവ്വതി ഹില്ലിനു മുകളിലെ ഏറ്റവും മനോഹരമായ കാഴ്ചകളിൽ ഒന്നാണ് പാർവ്വതി ക്ഷേത്രം. ഇവിടെ നിന്നും പൂനെ നഗരത്തിന്റെ മനോഹരമായ കാഴ്ചകൾ കാണാൻ സാധിക്കും എന്നതാണ് മറ്റൊരു ആകർഷണം. എന്നാൽ ഒരു ക്ഷേത്രം മാത്രമല്ല ഇവിടെയുള്ളത്. ദേവ്ദേവേശ്വര ക്ഷേത്രം, വിത്താൽ ക്ഷേത്രം, രുക്മിണി ക്ഷേത്രം, വിഷ്ണു, കാർത്തികേയ എന്നീ ക്ഷേത്രങ്ങളാണ് ഇവിടെയുള്ളത്. ദേവദേവേശ്വര ക്ഷേത്രം 1749 ൽ ബാലാജി ബാജിറാവുമാണ് നിർമ്മിച്ചത്.
പാർവ്വതി ഹില്ലിലേക്ക് എത്തുന്നവരിൽ എല്ലാ തരത്തിലുമുള്ള ആളുകളുമുണ്ട്.
പുര.