#Battery#Recycle#News60 പ്രവര്‍ത്തനരഹിതമായ ബാറ്ററികള്‍ എന്ത് ചെയ്യണം. ഇതിലൊരു വഴി കണ്ടെത്തിയിരിക്കുകയാണ് ഗവേഷകര്‍

ഇലക്ട്രോണിക് അവശിഷ്ടങ്ങളുടെ കൂട്ടത്തില്‍ രാസപദാര്‍ത്ഥങ്ങള്‍ അടങ്ങുന്ന ബാറ്ററികളും ഭൂമിയില്‍ കുന്നുകൂടുകയാണ്. ഇവയെങ്ങനെ പുനഃചംക്രമണം ചെയ്യും?. അതിനൊരാശയം കണ്ടെത്തിയിരിക്കുകയാണ് അമേരിക്കയിലെ റൈസ് സര്‍വകലാശാലയിലെ ഗവേഷകര്‍.പരിസ്ഥിതി സൗഹാര്‍ദപരമായ ഒരു ലായകം ഉപയോഗിച്ച് ലിതിയം അയോണ്‍ ബാറ്ററികളില്‍ കാഥോഡുകളായി ഉപയോഗിക്കുന്ന മെറ്റല്‍ ഓക്‌സൈഡുകളില്‍ നിന്നും അമൂല്യമായ മൂലകങ്ങള്‍ വേര്‍തിരിച്ചെടുക്കാമെന്നാണ് ഇവരുടെ കണ്ടെത്തല്‍.
ബാറ്ററികള്‍ പുനഃചംക്രമണം ചെയ്യുന്നതിനുള്ള ശ്രമകരമായ രീതികള്‍ക്ക് പകരം ഉപയോഗിക്കാവുന്ന മാര്‍ഗമാണിത്.
കോളിന്‍ ക്ലോറൈഡ്, എതിലിന്‍ ഗ്ലൈക്കോള്‍ എന്നിവ ചേര്‍ത്ത് നിര്‍മിക്കുന്ന ലായകം ഉപയോഗിച്ച് പൊടിച്ച സംയുക്തങ്ങളില്‍ നിന്നും 90 ശതമാനത്തിലേറെയും, ഉപയോഗിച്ച ബാറ്ററികളില്‍ നിന്നും ചെറിയതും എന്നാല്‍ അത്രമോശമല്ലാത്തതുമായ അളവിലുമുള്ള കോബാള്‍ട്ട് വേര്‍തിരിച്ചെടുക്കാന്‍ സാധിച്ചു. ലഭ്യത കുറവുള്ള കോബാള്‍ട്ട് പോലുള്ള ലോഹങ്ങള്‍ വേര്‍തിരിച്ചെടുക്കാന്‍ സാധിക്കുന്നു എന്നത് ഏറെ പ്രധാന്യമര്‍ഹിക്കുന്നതാണെന്ന് റൈസ് സര്‍വകലാശാലയിലെ ശാസ്ത്രജ്ഞനായ മലയാളി പുളിക്കല്‍ അജയന്‍ പറഞ്ഞു.ലിതിയം അയേണ്‍ ബാറ്ററികള്‍ പുനചംക്രമണം ചെയ്യുന്നത് ചിലവേറിയതും അപകടം നിറഞ്ഞതുമായ പ്രക്രിയയാണ്.
ബാറ്ററിയിലെ ഇലക്ട്രോഡില്‍ ബാക്കിയുള്ള സംയുക്തങ്ങളില്‍ നിന്നും മെറ്റല്‍ ഓക്‌സൈഡുകളെ വേര്‍തിരിക്കുന്നതിനൊപ്പം തന്നെ ലിതിയവും, കോബാള്‍ട്ടും ലയിപ്പിക്കാനുള്ള കഴിവ് ലായകത്തിനുണ്ട്. ഇങ്ങനെ ലയിക്കുന്ന കോബാള്‍ട്ടിനെ ലളിതമായ പ്രക്രിയയിലൂടെ ലായകത്തില്‍ നിന്നും വേര്‍തിരിച്ചെടുക്കാനും അവ വീണ്ടും ഉപയോഗപ്പെടുത്താനും സാധിക്കും.

Solution To Recycle Discarded Batteries

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

ബാറ്ററികള്‍ വലിച്ചെറിയേണ്ട | Solution To Recycle Discarded Batteries.