#Davinci#Science#News60

ചിത്രകാരന്‍ എന്നതിനൊപ്പംതന്നെ ശില്പി, ആര്‍ക്കിടെക്ട്, എന്‍ജിനീയര്‍, ശാസ്ത്രജ്ഞന്‍ എന്നീ നിലകളിലെല്ലാം കഴിവുതെളിയിച്ച ലോക പ്രതിഭ .ശാസ്ത്രവും ആഴത്തിലുള്ള ശരീരശാസ്ത്രപഠനവുമായിരുന്നു അദ്ദേഹത്തിന്റെ ഇഷ്ടമേഖലകള്‍. പഠിച്ചകാര്യങ്ങള്‍ കലയില്‍ കൊണ്ടുവന്നപ്പോള്‍ അത് കലയിലെ റിയലിസമായിമാറ്റിയ വ്യക്തി . ചിത്രങ്ങള്‍ക്ക് ജീവന്‍നല്‍കാനായി അവയില്‍ ഭാവാത്മകതയും ചലനാത്മകതയും നിറച്ച അത്ഭുത പ്രതിഭ ,എന്നിട്ടും വളരെ പ്രധാനപ്പെട്ട ഒന്ന് പറഞ്ഞു വന്നത് നവോത്ഥാനചരിത്രത്തിലെ ഭാവനാശാലിയായ ജീനിയസ് ലിയനാഡോ ഡാ വിന്‍ചിയെന്ന ജീനിയസിനെക്കുറിച്ചാണ് .ലോകത്തെ നൂറ്റാണ്ടുകൾ പഴക്കമുള്ള പല സംഭവങ്ങളും നമ്മുടെ മുമ്പിൽ സംഭവിച്ചതുപോലെ എളുപ്പം ഓർത്തെടുക്കാൻ ചിലപ്പോൾ സാധിക്കാറുണ്ട്. അതുപോലെ തന്നെ നമ്മൾ കണ്ടിട്ടില്ലാത്ത പല സംഭവങ്ങളും നമ്മുടെ കണ്ണിൽ ഓർമ്മയായി തെളിയുന്നത് അതുമായി ബന്ധപ്പെട്ട് നാം എവിടെയെങ്കിലും കണ്ട ചിത്രങ്ങളാകും ..ഉദാഹരണത്തിന്, അന്ത്യത്താഴം എന്നു പറയുമ്പോൾതന്നെ ക്രിസ്തുവിൻറെ നടുവിലിരുന്ന് ശിഷ്യന്മാർ നിരന്നിരുന്ന് ഭക്ഷണം കഴിക്കുന്ന ആ കാഴ്ച മനസിലേക്ക് ഓടിവരും. അങ്ങനെ ഓർമ്മവരാൻ ഒരു കാരണം ഉണ്ട്. 1498 ൽ ലിയോനാർഡോ ഡാ വിൻചി വരച്ച അന്ത്യത്താഴത്തിന്റെ ചിത്രത്തിൽ നിന്നുരുത്തിരിഞ്ഞ വകഭേദങ്ങളാണ് അവസാന അത്താഴത്തെക്കുറിച്ച് ഇന്ന് ലോകം മുഴുവനുമുള്ളത്. അതുപോലെ ക്രിസ്തുവിന് സ്‌നാപക യോഹന്നാൻസ്നാനം നൽകുന്നതിനെക്കുറിച്ച് ചിന്തിക്കുമ്പോൾ വെള്ളത്തിൽ ഇറങ്ങിനിൽക്കുന്ന ഈശോയുടെ ശിരസ്സിൽ പ്രാവ് ഇറങ്ങിവരുന്നതും ഒരാൾ യേശുവിന് ജ്ഞാനസ്‌നാനം നൽകുന്നതും ഓർമ്മവരും.ഇന്നു നമുക്ക് ലഭ്യമായ മറിയത്തിന്റെ മുഖസൗന്ദര്യം ഒരുപക്ഷേ ലെയോനാർഡോയുടെ ഭാവനയിൽ വിരിഞ്ഞതിന്റെ പ്രതിഫലനങ്ങളാണ്. 1470 ൽ ഡാവിൻചി വരച്ച മറിയവും ഉണ്ണീശോയും നിൽക്കുന്ന ചിത്രം കണ്ടിട്ട്, മറിയത്തിന്റെ ഏതു ചിത്രമെടുത്തു നോക്കിയാലും അതിനോടുള്ള സാമ്യം കാണാം. കൂടാതെ, മംഗലവാർത്തയുടെ ചിത്രവും ഇതേ രൂപസാദൃശ്യത്തിൽ ഡാ വിൻചി വരച്ചുവച്ചിട്ടുണ്ട്. മറിയവും ഉണ്ണീശോയും അമ്മയായ അന്നയോടൊപ്പം നിൽക്കുന്ന വരയും സ്‌നാപകയോഹന്നാന്റെ കൂടെ നിൽക്കുന്ന ചിത്രവുമെല്ലാം മറിയത്തിന്റെയും ഉണ്ണീശോയുടെയും രൂപസങ്കൽപങ്ങളിൽ വലിയ സ്വാധീനം ചെലുത്തിയിട്ടുണ്ട്.ഡാ വിൻചി വരച്ചതാണ് അവരുടെ രൂപമെന്ന് അന്നത്തെ ലോകവും ഇന്നും കരുതുവാൻ ചില കാരണങ്ങളുമുണ്ട്. വെറുമൊരു ചിത്രകാരനായിരുന്നില്ല ലെയോ.