രാജ്ഗിറിലെ പ്രശസ്തമായ ബുദ്ധിസ്റ്റ് തീർഥാടന കേന്ദ്രം വിശ്വ ശാന്തി സ്തൂപ

ചരിത്രപ്രാധാന്യം എന്നു മാത്രം പറഞ്ഞ് ഒതുക്കി നിർത്തുവാൻ പറ്റുന്ന ഒരിടമല്ല രാജ്ഗിർ


ചരിത്രപ്രാധാന്യം കൊണ്ട് സഞ്ചാരികളുടെ ഇടയിൽ പ്രശസ്തമായ സ്ഥലമാണ് ബീഹാറിലെ രാജ്ഗിർ.ആത്മീയതവും വിനോദസഞ്ചാരവും ഒരുപോലെ സ്വീകരിക്കുന്ന ഈ ഇടം ഗൗതമ ബുദ്ധനും മഹാവീരനും വസിച്ചിരുന്ന ഇടം എന്ന നിലയിലാണ് ആത്മീയ തീർഥാടന യാത്രകളുടെ ലിസ്റ്റിൽ ഇടം പിടിക്കുന്നത്. അതുകൊണ്ടുതന്നെ ചുറ്റിനടന്നു കാണേണ്ട കാഴ്ചകൾ ഒരുപാട് ഇവിടെയുണ്ട്.
രാജ്ഗിറിലെ പ്രശസ്തമായ ബുദ്ധിസ്റ്റ് തീർഥാടന കേന്ദ്രമാണ് വിശ്വ ശാന്തി സ്തൂപ
രത്തന്‍ഗിരി കുന്നിനു മുകളിൽ സ്ഥിതി ചെയ്യുന്ന ഈ സ്തൂപം ഏരെ പ്രശസ്തമാണ്. ബുദ്ധരുടെ ജീവിതത്തിലെ നാലു കാലഘട്ടങ്ങൾ അദ്ദേഹത്തിന്റെ നാല് സ്വർണ്ണ പ്രതിമകളിലൂടെ ഇവിടെ കാണിക്കുന്നു. സമാധാനത്തിന്റെയും സാഹോദര്യത്തിന്റെയും അടയാളമായ ഈ നിർമ്മിതി ജപ്പാനിൽ നിന്നുള്ള ബുദ്ധ സന്യാസിയായ നിപ്പോൻസാൻ മ്യോഹോജി 1969 ൽ നിർമ്മിച്ചതാണ്.ലോകശാന്തിയുടെ പ്രതിരൂപമെന്നവണ്ണം വെളുത്ത മാര്‍ബിള്‍കല്ലിലാണ് ഈ സ്തൂപം നിര്‍മ്മിച്ചിരിക്കുന്നത്. സഞ്ചാരികള്‍ക്ക് റോപ് വേയിലൂടെ മാത്രമേ ഈ സ്തൂപത്തിനരികില്‍ എത്തിപ്പെടാന്‍ കഴിയൂ..