ભરૂચના BJPના સાંસદ મનસુખ વસાવા કોઈ પણ નિવેદન કરે અને વિવાદ શરૂ થઈ જાય છે. આવું જ હમણાં ભરૂચમાં સ્વચ્છતા ઝુંબેશ દરમિયાન પોતાના કાર્યકરો સાથે સફાઈ કરવા નીકળેલા સાંસદના હાથમાં દેશી દારૂની ખાલી પોટલી આવતા તેમણે સાથે રહેલા કાર્યકરોને હળવાશના મુડમાં જે કહ્યું તે વાયરલ થઈ ગયું છે.
અગાઉ પોલીસને મારજો, સરકારમાં ભ્રષ્ટાચાર વધી ગયો છે તેવા નિવેદનો કરી સાંસદ મનસુખ વસાવાએ વિવાદ ઉભો કર્યો હતો, પરંતુ ભરૂચમાં સ્વચ્છતા અભિયાનમાં નીકળેલા સાંસદ અને તેમના કાર્યકરોની નજર એક વિસ્તારમાં દેશી દારૂ પીનારાઓએ દારૂ પીધા પછી ફેંકી દીધેલી ખાલી થેલીઓ હાથ લાગી હતી. જો કે જ્યાંથી દેશી દારૂની ખાલી થેલીઓ મળી તે ગંદી જગ્યા પણ હતી.
મનસુખ વસાવા અને કાર્યકરોની નજર આ થેલી ઉપર પડતા તેમણે તરત થેલી રસ્તામાંથી ઉચકી ફેંકી દીધી હતી, પણ થેલી ઉપાડતા સાંસદ વસાવાએ હળવાશના મુડમાં પોતાના કાર્યકરોને કહ્યું હતું કે લોકો દારૂ પીવે તો વાંધો નથી, પણ કોઈ સારી જગ્યાએ પીવો જોઈએ. જો કે દારૂના મુદ્દે ગુજરાતની પ્રજા અને સરકાર દંભી નીતિ અપનાવે છે. સાંસદે હળવાશના મુડમાં કહ્યું તે વાસ્તવિકતા હતી, છતાં દારૂના મુદ્દે સાંસદ વસાવાએ કરેલું નિવેદન કોઈના ફોનમાં રેકોર્ડ થઈ ગયું અને તેનો વીડિયો હવે વાયરલ થયો છે.Watch BJP MLA Mansukh Vasava's controversial statement about drinking alcohol With HD Quality.