മൊബൈല്‍ഫോണിന് വിലക്ക് ഏര്‍പ്പെടുത്തി ബീഹാര്‍ സര്‍ക്കാര്‍
ഉന്നതതലയോഗങ്ങളില്‍ പങ്കെടുക്കുമ്പോഴാണ് ഫോണിന് വിലക്ക്


ഉന്നതതലയോഗങ്ങളില്‍ പങ്കെടുക്കുമ്പോള്‍ സര്‍ക്കാരുദ്യോഗസ്ഥരുടെയും പോലീസുദ്യോഗസ്ഥരുടേയും മൊബൈല്‍ഫോണ്‍ ഉപയോഗം നിരോധിച്ച് ബീഹാര്‍ സര്‍ക്കാരിന്റെ ഉത്തരവ്.
മൊബൈല്‍ ഫോണുപയോഗം നിയന്ത്രിച്ച് കേന്ദ്രസര്‍ക്കാരിന്റെയും കര്‍ണാടകസര്‍ക്കാരിന്റെയും ഉത്തരവ് പുറത്തിറങ്ങിയതിന് തൊട്ടുപിന്നാലെയാണ് ബീഹാര്‍ സര്‍ക്കാരിന്റെ കര്‍ശനനിര്‍ദേശം പുറത്തിറങ്ങിയത്. സംസ്ഥാന പൊതുഭരണവകുപ്പ് പ്രിന്‍സിപ്പല്‍ സെക്രട്ടറി ആമിര്‍ സുബ്ബാനിയാണ് ഉത്തരവ് പുറത്തിറക്കിയത്. ഉന്നതതലയോഗങ്ങളില്‍ പങ്കെടുക്കുന്നതിനിടയില്‍ ഉദ്യോഗസ്ഥര്‍ ഫോണില്‍ മുഴുകിയിരിക്കുന്നത്‌ ശ്രദ്ധയില്‍ പെട്ടതിനെ തുടര്‍ന്നാണ് ഇത്തരത്തിലൊരു തീരുമാനത്തിലെത്താന്‍ സര്‍ക്കാരിനെ പ്രേരിപ്പിച്ചത് . മുഖ്യമന്ത്രി, മന്ത്രിമാര്‍, ചീഫ് സെക്രട്ടറി, വികസനകമ്മീഷണര്‍മാര്‍ തുടങ്ങിയവര്‍ പങ്കെടുക്കുന്ന യോഗങ്ങളിലാണ് മൊബൈല്‍ഫോണിന് വിലക്ക്..