വൈദ്യശാസ്ത്രചരിത്രത്തിലെ ഏറ്റവും പ്രായം കുറഞ്ഞ അമ്മയാണ് 5 വയസ്സുകാരി ലിന മെഡീന.പെറുവിലെ കാസ്റ്റ്രൊവിരെന്യ പ്രദേശത്ത് ടിക്രാപൊയിൽ 1933 സെപ്റ്റംബർ 23നു ആയിരുന്നു ജനനം. ഈ കൊച്ചു പെൺകുട്ടി ആദ്യമായി പ്രസവിക്കുമ്പോൾ 5 വർഷം 7 മാസ്ം 21 ദിവസം ആയിരുന്നു അവളൂടെ പ്രായം.പെറുവിലെ റ്റിക്രാപോയിൽ റ്റിബുറേലൊ മെഡീനയുടെയും വിക്റ്റോറിയ ലൊസേയയുടെയും ഒമ്പത് മക്കളിൽ ഒരാളായിരുന്നു ലിന .അച്ഛൻ ആഭരണനിർമ്മാണ ജോലിയായിരുന്നു. അച്ഛനും അമ്മയ്ക്കും ഒപ്പം തലസ്ഥാനമായ ലിമയിൽ ആയിരുന്നു അവളുടെ താമസം എന്നാൽ 5 വയസ്സിൽ അവളുടെ അരക്കെട്ടിന്റെ അസാധാരണമായ വളർച്ചകണ്ട് വീട്ടുകാർ ഭയന്നു . ആദ്യം പ്രേതബാധ എന്ന ചിന്തയിൽ ചില മന്ത്രവാദം ഒക്കെ നടത്തി നോക്കി.എന്നാൽ ആ ചികിത്സ ഫലം കാണാതായതോടെ അതൊരു ട്യൂമർ ആണെന്ന് കരുതി ആശുപത്രിയിൽ പ്രവേശിപ്പിക്കുകയായിരുന്നു . ട്യൂമറിനുള്ള ചികിത്സക്കിടയിലാണ് അവൾ 7 മാസം ഗർഭിണിയാണെന്നറിഞ്ഞത് .ട്യൂമർ ആണെന്ന് കരുതി എക്സ് റെ എടുത്ത ഡോക്ടർ ഞെട്ടി ..