#Mogablast #Parcleblast #Crime
ਮੋਗਾ ਪਾਰਸਲ ਬਲਾਸਟ ਮਾਮਲੇ ਦਾ ਮੁੱਖ ਦੋਸ਼ੀ ਗ੍ਰਿਫਤਾਰ
ਉੜੀਸਾ ਤੋਂ ਗ੍ਰਿਫ਼ਤਾਰ ਹੋਇਆ ਮੋਗਾ ਬੰਬ-ਕਾਂਡ ਦਾ ਮੁੱਖ ਮੁਲਜ਼ਮ
ਸੀਸੀਟੀਵੀ ਦੀ ਮਦਦ ਨਾਲ ਗ੍ਰਿਫਤਾਰ ਕੀਤਾ ਗਿਆ ਮੁੱਖ ਦੋਸ਼ੀ
ਓਡੀਸਾ ਤੋਂ ਗ੍ਰਿਫਤਾਰ ਕਰਨ ਤੋਂ ਬਾਅਦ ਲਿਆਂਦਾ ਜਾਵੇਗਾ ਪੰਜਾਬ
ਬੀਤੇ ਕੁੱਝ ਦਿਨ ਪਹਿਲਾਂ ਮੋਗੇ ਦੇ ਇੱਕ ਕੋਰੀਅਰ ਦੀ ਦੁਕਾਨ ‘ਚ ਬਲਾਸਟ ਹੋਣ ਦੀ ਖਬਰ ਸਾਹਮਣੇ ਆਈ ਸੀ। . ਤੇ ਹੁਣ ਇਸ ਮਾਮਲੇ ਵਿੱਚ ਪੁਲੀਸ ਹੱਥ ਕਾਮਯਾਬੀ ਲੱਗੀ ਹੈ ਕਿਓਂਕਿ ਇਸ ਪਾਰਸਲ ਧਮਾਕੇ 'ਚ ਸ਼ਾਮਿਲ ਮੁਲਜ਼ਮ ਨੂੰ ਪੁਲਿਸ ਨੇ ਉੜੀਸਾ ਤੋਂ ਕਾਬੂ ਕਰ ਲਿਆ ਹੈ। ਜਿਸ ਨੂੰ ਲੈ ਕੇ ਅੱਜ ਪੁਲਿਸ ਮੋਗਾ ਪਹੁੰਚੇਗੀ।
ਪੁਲਿਸ ਸੂਤਰਾਂ ਮੁਤਾਬਿਕ ਭੁਪੇਸ਼ ਰਾਜੋਆਣਾ ਜਿਸ ਨੂੰ ਪਾਰਸਲ ਜਾਣਾ ਸੀ ਉਹ ਮੁਲਜ਼ਮ ਰਾਜ ਰਾਜੋਆਣਾ ਦਾ ਹੀ ਰਿਸ਼ਤੇਦਾਰ ਹੈ। ਭੁਪੇਸ਼ ਦੀ ਸੱਸ ਦਾ ਦੇਹਰਾਦੂਰ 'ਚ ਸਾਲ 2016 'ਚ ਕਤਲ ਹੋ ਗਿਆ ਸੀ। ਭੁਪੇਸ਼ ਆਪਣੀ ਸੱਸ ਦੇ ਕਤਲ ਦੀ ਪੈਰਵੀ ਕਰਨ ਦੇ ਨਾਲ-ਨਾਲ ਉਸਦੀ ਜਾਇਦਾਦ ਦੀ ਵੀ ਦੇਖ ਭਾਲ ਕਰ ਰਿਹਾ ਸੀ। ਜਿਸ ਕਾਰਨ ਜਾਇਦਾਦ ਹੜੱਪਣ ਲਈ ਮੁਲਜ਼ਮ ਰਾਜ ਨੇ ਭੁਪੇਸ਼ ਨੂੰ ਕੋਰੀਅਰ ਰਾਹੀਂ ਬੰਬ ਭੇਜ ਕੇ ਮਾਰਨ ਦੀ ਸਕੀਮ ਬਣਾਈ। । ਪਰ ਇਹ ਬੰਬ ਸੰਗਰੂਰ ਫਟਣ ਦੀ ਬਜਾਏ ਮੋਗਾ ਵਿਚ ਹੀ ਫਟ ਗਿਆ।
ਮੋਗਾ ਪੁਲਿਸ ਦੁਆਰਾ ਗਹਿਰਾਈ ਨਾਲ ਜਾਂਚ ਕੀਤੀ ਗਈ। ਜਾਂਚ ਤੋਂ ਬਾਅਦ ਸਾਹਮਣੇ ਆਇਆ ਸੀ ਕਿ ਮਾਮਲੇ ਦੇ ਤਾਰ ਉੜੀਸਾ ਨਾਲ ਜੁੜੇ ਹੋਏ ਹਨ। ਰਾਜ ਭੂਪੇਸ਼ ਰਾਜੇਯਾਨਾ ਨੂੰ ਮਾਰਨ ਲਈ ਮੋਗਾ ਪਹੁੰਚਿਆ ਸੀ ਤੇ ਮੋਗਾ ਪੁਲਿਸ ਦੁਆਰਾ ਸ਼ਹਿਰ ਦੀ ਸੀਸੀਟੀਵੀ ਫੁਟੇਜ ਦੇ ਆਧਾਰ ‘ਤੇ ਪਹਿਚਾਣ ਹੋਣ ਤੋਂ ਬਾਅਦ ਆਰੋਪੀ ਦੀ ਗ੍ਰਿਫ਼ਤਾਰੀ ਲਈ ਉੜੀਸਾ ਪੁਲਿਸ ਨਾਲ ਸਪੰਰਕ ਕੀਤਾ ਗਿਆ। ਤੇ ਮੁਲਜ਼ਮ ਨੂੰ ਓਡੀਸਾ ਤੋਂ ਗ੍ਰਿਫਤਾਰ ਕਰਨ ਤੋਂ ਬਾਅਦ ਅੱਜ ਪੰਜਾਬ ਲਿਆਂਦਾ ਜਾਵੇਗਾ ਅਤੇ ਜਿਸ ਤੋਂ ਬਾਅਦ ਮੁਲਜ਼ਮ ਕੋਲੋਂ ਪੰਜਾਬ ਅਤੇ ਦਿੱਲੀ ਦੀਆਂ ਖੁਫੀਆ ਏਜੇਂਸੀਆਂ ਪੁੱਛ-ਗਿੱਛ ਕਰ ਸਕਦੀਆਂ ਹਨ। ਪੁਲਿਸ ਵੱਲੋਂ ਇਸ ਮਾਮਲੇ 'ਚ ਵੱਡੇ ਖੁਲਾਸੇ ਕੀਤੇ ਜਾਣ ਦੀ ਉਮੀਦ ਹੈ।
For Latest News Updates Follow Rozana Spokesman!

EPAPER : https://www.rozanaspokesman.com/epaper
PUNJABI WEBSITE: https://punjabi.rozanaspokesman.in/
ENGLISH WEBSITE: https://www.rozanaspokesman.com
FACEBOOK: https://www.facebook.com/RozanaSpokesmanOfficial
TWITTER: https://twitter.com/rozanaspokesman

Watch ਮੋਗਾ ਪਾਰਸਲ ਬਲਾਸਟ ਮਾਮਲੇ ਦਾ ਮੁੱਖ ਦੋਸ਼ੀ ਆਇਆ ਕਾਬੂ | Moga Parcel Blast With HD Quality.