ഹാദിയ: കുറ്റകൃത്യങ്ങളില്ലെന്ന് സര്‍ക്കാര്‍

ഹാദിയ കേസില്‍ എന്‍ഐഎ അന്വേഷിക്കേണ്ട കുറ്റങ്ങളില്ലെന്ന് സംസ്ഥാന സര്‍ക്കാര്‍ സുപ്രീംകോടതിയില്‍

കേസിന്റെ വിശദാംശങ്ങളെല്ലാം കേരള പോലീസ് വിശദമായി അന്വേഷിച്ചിരുന്നു. ക്രൈംബ്രാഞ്ച് അന്വേഷണം തൃപ്തികരമാണ് എന്നും സര്‍ക്കാര്‍ അറിയിച്ചു.
ഹാദിയ കേസിലെ എന്‍.ഐ.എ അന്വേഷണ ഉത്തരവ് പിന്‍വലിക്കണമെന്ന് ആവശ്യപ്പെട്ട് ഹാദിയയെ വിവാഹം കഴിച്ച ഷെഫിന്‍ ജഹാന്‍ സമര്‍പ്പിച്ച ഹര്‍ജിയിലാണ് കേരളം നിലപാട് അറിയിച്ചത്.എന്‍ഐഎ അന്വേഷണം ആവശ്യമുണ്ടായിരുന്നെങ്കില്‍ കേന്ദ്രത്തെ അറിയിക്കുമായിരുന്നു. സര്‍ക്കാരിന്റെ പരിശോധനയില്‍ എന്‍ഐഎയുടെ ആവശ്യം ബോധ്യപ്പെട്ടിട്ടില്ല. അങ്ങനെയുണ്ടായിരുന്നെങ്കില്‍ അക്കാര്യം അറിയിച്ചേനെയെന്നും രേഖാമൂലം അറിയിച്ചു.

Found no offences requiring NIA probe: Kerala tells SC on Hadiya case.