ഹനുമാന് ഭ്രഷ്ട്....!!!


ഹനുമാനെ ഭജിക്കാന്‍ പാടില്ലാത്ത ഗ്രാമം


രാമായണ കഥകളിലെ ശക്തനായ സാന്നിധ്യമായിരുന്നു ഹനുമാന്‍.മഹാരാഷ്ട്രയിലെ അഹമ്മദ് നഗര്‍ ജില്ലയില്‍ ''നന്ദൂര്‍ നിംബാ ദൈത്യ ഗാവ്'' എന്ന പേരുള്ള ഏറെ പ്രത്യേകത നിറഞ്ഞ ഒരു നാടുണ്ട്. നിംബാ ദൈത്യ രാജാവാണ് ഈ ഗ്രാമത്തിലെ കുലദൈവം.അസുരനായ ദൈത്യന് ശ്രീരാമന്‍ വരം നല്‍കിയതില്‍ രോക്ഷം പൂണ്ട ഹനുമാന്‍ ദൈത്യനുമായി കലഹിച്ചെന്നും ഒടുവില്‍ ശ്രീരാമനിടപെട്ടാണ് ഇരുവരെയും പിന്തിരിപ്പിച്ചതെന്നും പറയുന്നു.എന്നാല്‍ തന്റെ ഗ്രാമത്തില്‍ ഹനുമാന് യാതൊരുവിധ സ്ഥാനവും ഉണ്ടാകരുതെന്ന് ശ്രീരാമനില്‍ നിന്നും ദൈത്യന്‍ വരം വാങ്ങിച്ചു.അതോടെ ഗനുമാന്‍ ഗ്രാമത്തിന് പുറത്തായി.ഗ്രാമാതിര്‍ത്തിക്കുള്ളില്‍ കടന്നാല്‍ പിന്നെ സാക്ഷാല്‍ ശ്രീ ഹനുമാനെ ഓര്‍ക്കാനോ ഭജിക്കാനോ പാടില്ല, ഹനുമാന്റെ പേര് ഒരു കാരണവശാലും ആ പേര് ഉച്ചരിക്കാന്‍ പാടില്ല, മാത്രമല്ല ആ പേര് ഉള്ള ഒരു വസ്തു പോലും കൈവശം വയ്ക്കാനും പാടില്ല.ഇത് തെറ്റിക്കുന്നവര്‍ക്ക് അപകടം ഉറപ്പാണെന്ന് ഈ ഗ്രാമവാസികള്‍ വിശ്വസിക്കുന്നു. ഗ്രാമത്തില്‍ പല വിധ വാഹനങ്ങള്‍ ഉണ്ടെങ്കിലും ഹനുമാന്റെ മറ്റൊരു പേരായ മാരുതി കമ്പനിയുടെ വാഹനങ്ങള്‍ പോലും ആരും വാങ്ങാറില്ലെന്നതാണ് സത്യം.ഈ ഗ്രാമത്തിലെ പ്രധാന ക്ഷേത്രം അസുര രാജാവ് നിമ്പാ ദൈത്യന്റേതാണ്. ഹനുമാന്‍ ഒഴികെയുള്ള മറ്റു പല ദേവതകളുടെയും ക്ഷേത്രങ്ങള്‍ ഈ ഗ്രാമത്തിലുണ്ട്.ഹനുമാന്‍ ഇന്നും പഠിക്ക് പുറത്ത്

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Lord Hanuman is not worshipped in this village.