ഹര്‍ഷിതയെ കൊന്നതാണ്....മൊഴി സഹോദരിയുടേത്‌


ഹരിയാനയില്‍ ഹര്‍ഷിത വെടിയേറ്റ് മരിച്ച സംഭവത്തില്‍ നിര്‍ണായക വെളിപ്പെടുത്തലുമായി സഹോദരി


ഹരിയാനയില്‍ 22കാരിയായ ഗായിക വെടിയേറ്റ് മരിച്ച സംഭവത്തില്‍ നിര്‍ണായക വെളിപ്പെടുത്തലുമായി സഹോദരി രംഗത്ത്. തന്റെ ഭര്‍ത്താവ് ദിനേഷാണ് ഹര്‍ഷിതയെ കൊലപ്പെടുത്തിയതെന്ന് സഹോദരി ലത പൊലീസിനു മൊഴി നല്‍കി.തന്റെ മാതാവിനെ ദിനേഷ് കൊലപ്പെടുത്തിയിട്ടുണ്ടെന്നും ഈ കൊലപാതകത്തിന് തന്റെ സഹോദരി ദൃക്‌സാക്ഷി ആയിരുന്നെന്നും ഇതാണ് ഹര്‍ഷിതയുടെ കൊലപാതകത്തിലേക്ക് നയിച്ചതെന്നുമാണ് ലതയുടെ മൊഴി. എന്നാല്‍, ലതയുടെ മൊഴി പൊലീസ് പൂര്‍ണമായും വിശ്വാസത്തില്‍ എടുത്തിട്ടില്ല.നിലവില്‍ വിവിധ കേസുകളില്‍ ശിക്ഷ അനുഭവിക്കുന്ന ദിനേഷ് ഇപ്പോള്‍ തിഹാര്‍ ജയിലിലാണ്.
ദിനേഷ് തന്റെ സഹോദരിയെ 2004ല്‍ ബലാല്‍സംഗം ചെയ്തിരുന്നുവെന്നും ലത പൊലീസിന് മൊഴി നല്‍കി.ഹരിയാന്‍വി രാഗിണി ഗായികയായിരുന്ന ഹര്‍ഷിത നര്‍ത്തകി കൂടിയാണ്. ഡല്‍ഹിയിലെയിലെ നരേലയില്‍ താമസിച്ചുവന്നിരുന്ന യുവതി പാനിപ്പത്ത് സ്വദേശിയാണ്.സംഭവത്തില്‍ കൊലപാതക കേസ് രജിസ്റ്റര്‍ ചെയ്ത പോലീസ് അന്വേഷണം ആരംഭിച്ചിട്ടുണ്ട്.കഴിഞ്ഞ ദിവസങ്ങളില്‍ തന്റെ ജീവന് ഭീഷണിയുണ്ടെന്ന് വ്യക്തമാക്കിക്കൊണ്ട് ഹര്‍ഷിത സോഷ്യല്‍ മീഡിയയില്‍ മൊബൈല്‍ വീഡിയോ പോസ്റ്റ് ചെയ്തിരുന്നു.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Sister claims her husband killed Haryanvi singer Harshita.